10.03.2026 | 12:34
Ամերիկայի գավաթ. Լևոն Արոնյանը դուրս է եկել եզրափակիչ
Պաշտպանի աշխատակազմի արագ արձագանքման արդյունքում քաղաքացուն ի պահ է հանձնվել իր ավտոմեքենան
Հասարակություն
07.09.2018 | 10:25
Մարդու իրավունքների պաշտպանի աշխատակազմի արագ արձագանքման բաժին դիմած քաղաքացին խնդրել է աջակցություն Հարկադիր կատարումն ապահովող ծառայության կողմից հատուկ պահպանվող տարածք տարված իր ավտոմեքենան իրեն ի պահ հանձնելու հարցում:
Դիմողը տեղեկացրել է, որ Հարկադիր կատարումն ապահովող ծառայությունում ունի հարուցված բազմաթիվ կատարողական վարույթներ, որոնց մի մասը ենթակա է կարճման՝ շնորհիվ վերջերս վարչական իրավախախտումների համար կիրառված տուգանքների համաներման: Քաղաքացին հայտնել է, որ կատարողական վարույթի կարճումը կարող է տևել ամիսներ, իսկ հատուկ պահպանվող տարածք տարված մեքենան իր ապրուստի միակ միջոցն է:
Բարձրացված հարցի կարգավորման նպատակով Պաշտպանի աշխատակազմի ներկայացուցիչը կապ է հաստատել հարկադիր կատարման ծառայության համապատասխան բաժնի ներկայացուցչի հետ: Պայմանավորվածություն է ձեռք բերվել քաղաքացու՝ կարճման ենթակա կատարողական վարույթները կարճել առաջնահերթության կարգով, իսկ ավտոմեքենան ի պահ հանձնել քաղաքացուն՝ մինչև համաներում չտարածվող տուգանքների մաս-մաս վճարելը:
