01.11.2024 | 20:18
Հրդեհ Ամիրյան փողոցի շենքերից մեկում. դեպքի վայր է մեկնել 3 մարտական հաշվարկ
Լավրովն Ալիևի առջև կանաչ լույս է վառում՝ Սյունիքի վրա հարձակվելու համար. Արմեն Հովհաննիսյան․ ՏԵՍԱՆՅՈՒԹ
Քաղաքականություն
20.08.2024 | 19:00
Ադրբեջանի կողմից կրակոցների մասին տարածվող ապատեղեկատվությունը կարճ ժամակաշրջանում պատերազմի չի հանգեցնի, Factor TV-ի հետ զրույցում նման կարծիք է հայտնում քաղաքական վերլուծաբան Արմեն Հովհաննիսյանը։
Նրա դիտարկմամբ՝ դա կապված էր Պուտինի՝ Ադրբեջանի այցի հետ։
«Ադրբեջանի ապատեղեկատվությունը կապված է Պուտինի՝ Ադրբեջանի այցի հետ։ Բաքուն ուզում է ցույց տալ, որ տեսեք՝ հայերն այնքան են ատում Պուտինին, որ գնդակոծում են մեր տարածքները, երբ նա գտնվում է Ադրբեջանում»,- նկատեց նա։
Ինչ վերաբերում է ՌԴ ԱԳ նախարար Սերգեյ Լավրովի այն հայտարարությանը, թե Երևանը սաբոտաժի է ենթարկում Սյունիքի մարզում հաղորդակցությունների ապաշրջափակման մասին համաձայնությունը, որը Նիկոլ Փաշինյանն է ստորագրել, Արմեն Հովհաննիսյանը նշեց, որ այս կերպ Լավրովն Ալիևի առաջ կանաչ լույս է վառում՝ Սյունիքի վրա հարձակվելու համար։
Հարցազրույցն ամբողջությամբ՝ տեսանյութում։
Մանյա Պողոսյան
