07.12.2025 | 18:30
Իրավիճակը՝ 18:10-ի դրությամբ․ հանրապետության որոշ հատվածներում ձյուն է տեղում, որոշներում՝ ձնախառն անձրև
Պուտինը խոստացել է Բաքու այցից հետո զանգահարել Փաշինյանին ու պատմել Ալիևի հետ հանդիպման արդյունքների մասին
Քաղաքականություն
19.08.2024 | 14:51
Պետական այցով Բաքվում գտնվող ՌԴ նախագահ Վլադիմիր Պուտինը Ադրբեջանի նախագահ Իլհամ Ալիևի հետ բանակցությունների ընթացքում անդրադարձել է նաև հայ-ադրբեջանական հարաբերությունների կարգավորմանը։ Պուտինն ընդգծել է, որ ՌԴ-ն պատրաստ է նպաստել խաղաղության համաձայնագրի ձեռքբերմանը։
«Եթե մենք կարողանանք ինչ-որ բան անել, որպեսզի հասնենք խաղաղության համաձայնագրի ստորագրմանը, գործը հասցնենք սահմանագծման, սահմանազատման, լոգիստիկայի և տնտեսության համապատասխան ոլորտներն ապաշրջափակենք, մենք շատ ուրախ կլինենք»,- ասել է նա:
ՌԴ ղեկավարը հավելել է, որ այցից հետո կապ կհաստատի ՀՀ վարչապետ Նիկոլ Փաշինյանի հետ և կպատմի Ալիևի հետ բանակցությունների արդյունքների մասին, փոխանցում է ՌԻԱ Նովոստին։
