01.11.2024 | 23:19
Հրդեհ Գյումրու տներից մեկում
Հնդկաստանի վարչապետը կժամանի Կիև
Քաղաքականություն
19.08.2024 | 14:13
Հնդկաստանի ԱԳ նախարարությունը հայտնել է, որ վարչապետ Նարենդրա Մոդին ծրագրում է օգոստոսին այցելել Ուկրաինա, հայտնում է Reuters-ը։
Ավելի վաղ հնդկական մամուլը նույնպես հայտնել էր երկրի վարչապետի՝ Կիև պաշտոնական այցի մասին։
Այս տարվա հուլիսին Մոդին Մոսկվա էր ժամանել և հանդիպել ՌԴ նախագահ Վլադիմիր Պուտինի հետ։ Հնդկաստանի վարչապետն ասել է, որ հանդես է գալիս «հակամարտությունների խաղաղ կարգավորման օգտին» և Մոսկվայի ու Կիևի միջև շուտափույթ կարգավորման հույս ունի։ Մոսկվայում կայացած հանդիպման նախօրեին Վլադիմիր Զելենսկին Մոդիի այցը Ռուսաստան անվանել էր «մեծ հիասթափություն և հարված խաղաղ գործընթացին»։
Մոդիի և Պուտինի հանդիպման թեմաներից մեկը Հնդկաստանի քաղաքացիների վերադարձն էր, որոնք խաբվել են ՌԴ ՊՆ-ի հետ պայմանագիր կնքելու հարցում և ռուսական բանակի կազմում հայտնվել ռազմաճակատում։ Մոդիի այցից հետո հնդկական մամուլը, վկայակոչելով կառավարական աղբյուրներին, գրել է, որ Մոդին և Պուտինը պայմանավորվել են Հնդկաստանի քաղաքացիների պայմանագրերը վաղաժամկետ խզելու մասին։
