20.07.2026 | 23:24
Հայաստանը կունենա լեզվական պետական քաղաքականության նոր հիմնադրույթներ
Բաքուն կարող է հարձակում ձեռնարկել՝ տարածքներ կամ «միջանցք» վերցնել. COP29-ը զսպաշապիկ է. Արա Պապյան․ ՏԵՍԱՆՅՈՒԹ
Քաղաքականություն
16.08.2024 | 19:00
Բաքուն կարող է հարձակում ձեռնարկել՝ տարածքներ կամ «միջանցք» վերցնելու համար։ Factor TV-ի հետ զրույցում նման կարծիք է հայտնում ՀՀ արտակարգ և լիազոր դեսպան, քաղաքագետ Արա Պապյանը։
Նա, միաժամանակ, հավելում է՝ դա կարող է տեղի ունենալ նոյեմբերից հետո, երբ Բաքվում պետք է անցկացվի ՄԱԿ-ի կլիմայական համաժողովը։
«COP29-ը զսպաշապիկ է Բաքվի համար»,- նշում է Արա Պապյանը։
Քաղաքագետը շեշտում է՝ Ադրբեջանի նախագահ Իլհամ Ալիևը պատերազմի սպառնալիքն օգտագործում է՝ Հայաստանից ինչ-որ բաներ կորզելու համար։ Նաև կարծում է, որ խաղաղության պայմանագիրը խաղաղության հիմք չէ, ինչպես ներկայացնում է գործող իշխանությունը։
Ինչ վերաբերում է տարածաշրջանային հաղորդակցությունների ապաշրջափակման խնդիրը խաղաղության պայմանագրից դուրս բերելու՝ Երևանի և Բաքվի պայմանավորվածությանը, ըստ Արա Պապյանի՝ դա նշանակում է, որ Նիկոլ Փաշինյանի նախաձեռնած «Խաղաղության խաչմերուկը» ձախողվել է։
Հարցազրույցն ամբողջությամբ՝ տեսանյութում։
Թամարա Հակոբյան
