22.11.2024 | 20:16
Ֆրանսիայի արտաքին գործերի նախարարությունն ի գիտություն է ընդունել Նեթանյահուի նկատմամբ ՄՔԴ-ի կալանավորման օրդերը
Ուկրաինան շահագրգռված չէ ռուսական տարածքների օկուպացմամբ․ Պոդոլյակ
Քաղաքականություն
15.08.2024 | 15:49
Ռուսաստանի սահմանամերձ շրջաններում, այդ թվում՝ Կուրսկի շրջանում, Ուկրաինան լուծում է անվտանգության ապահովման հետ կապված խնդիրներ և շահագրգռված չէ այդ տարածքների օկուպացմամբ։ Այս մասին նշել է Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը։
«Ուկրաինան շահագրգռված է ռուսական բազմաթիվ ռազմական օբյեկտների փաստացի ոչնչացմամբ, ռուսական զորքերի մնացորդներն ուկրաինական տարածքի վրա հրետանային և բալիստիկ հրթիռների հարվածներ թույլ տվող գծերից դուրս մղելով, Ուկրաինայի սահմանների շուրջ անվտանգության գոտու ձևավորմամբ, ռազմական նյութատեխնիկական ապահովման և ենթակառուցվածքների (ներառյալ՝ պահեստային բազաները, ուսումնական կենտրոնները, սարքավորումների կենտրոնացման վայրերը) ոչնչացմամբ»,- գրել է Պոդոլյակը X սոցիալական ցանցում։
Ըստ նրա՝ Ուկրաինան և Ռուսաստանը «տարբեր պատերազմներ են վարում, որոնք ունեն հստակ իրավական սահմանումներ»։
«Եթե Ռուսաստանը միտումնավոր հարձակվել է Ուկրաինայի վրա՝ նպատակ ունենալով սպանել խաղաղ բնակիչներին և օկուպացնել նրա տարածքը, ինչն անվերապահ ռազմական հանցագործություն է, ապա Ուկրաինան վարում է բացառապես պաշտպանական պատերազմ, այդ թվում՝ ագրեսորի տարածքում՝ ապահովելու սեփական բնակչության պաշտպանության իր անվերապահ իրավունքը»,- հավելել է նա։
