28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Եթե վաղը լինեին ընտրություններ, նույնիսկ Հանրապետականների մեծ մասը գուցե չընտրեր ՀՀԿ-ին. Գևորգ Գորգիսյան. ՏԵՍԱՆՅՈՒԹ
Քաղաքականություն
06.09.2018 | 18:04
Ազգային ժողովի «Ելք» խմբակցության պատգամավոր Գևորգ Գորգիսյանի համոզմամբ՝ գործող Ազգային ժողովը չի ներկայացնում քաղաքացիների կամարտահայտությունը, ուստի միանշանակ է, որ պետք է ԱԺ-ն լուծարել և գնալ արտահերթ ընտրությունների։
«Կարծում եմ՝ Կառավարությունը մի քանի մեխանիզմներ է հիմա քննարկում, պարոն Փաշինյանը հայտարարեց սահմանադրական փոփոխությունների մասին, իսկ «Հանրապետական» կուսակցությունն էլ, բնական է, որ դա չի ցանկանա, քանի որ իրենց վարկանիշը հիմա շատ ցածր է՝ 0-ի մոտ, եթե վաղը լինեն ընտրություններ, որևէ քաղաքացի չի լինելու, որ ընտրի նրանց, նույնիսկ ՀՀԿ-ականների մեծ մասը գուցե չընտրեն ՀՀԿ-ին»,- այսօր Ազգային ժողովում լրագրողների հետ ճեպազրույցում ասաց պատգամավորը՝ շեշտելով, որ այս ամենով հանդերձ պետք չէ թերագնահատել նրանց, քանի որ նրանք ցանկացած պահի կարող ենք անիվի մեջ փայտ մտցնել։
Պատգամավորն անդրադարձավ նաև 2-րդ նախագահ Ռոբերտ Քոչարյանի՝ քաղաքականություն վերադառնալու պատրաստակամությանը և շեշտեց, որ մենք պարզապես գերագնահատում է նրա հնարավորությունները։ «Ես չեմ տեսնում մի քաղաքացու, որը գնալու է և ընտրի Ռոբերտ Քոչարյանին»,- ասաց նա։
Մանրամասները՝ տեսանյութում։
