08.10.2026 | 11:11
Արծրուն Մարգարյանի և Վահրամ Խորխոռունու սպանությունների գործերով բացահայտումներ են եղել․ Փաշինյան
ԵՄ-ն 2 մլն եվրո է հատկացրել Ուկրաինայում ականազերծման ծրագրի համար
Քաղաքականություն
12.08.2024 | 19:31
ԵՄ իշխանությունները 2 միլիոն եվրո են հատկացրել Ուկրաինայում ականազերծման ծրագրի համար, որի շրջանակում հատուկ վարժեցված շների օգնությամբ ականազերծողները կօգնեն ամբողջ երկրում մաքրել չպայթած զինամթերքը, գրում է BBC-ի ռուսական ծառայությունը:
Ծրագիրը ֆինանսավորվում է Եվրոպական հանձնաժողովի արտաքին քաղաքականության գործիքների ծառայության կողմից (FPI):
«Մենք ուրախ ենք, որ կարող ենք ֆինանսավորել այս նախաձեռնությունը որպես ԵՄ աջակցության մաս՝ բարելավելու և ընդլայնելու մարդասիրական ականազերծման գործողություններն Ուկրաինայում: Մենք կարծում ենք, որ այս նորարարական նախագիծը ներուժ ունի զգալիորեն արագացնելու աղտոտված հողերի մաքրումը քաղաքացիական օգտագործման համար»,- ասել է FPI տնօրեն Պիտեր Վագները:
Նախատեսվում է ականազերծման համար ուղարկել 16 մալինուա ցեղատեսակի շուն (բելգիական հովվաշուն)՝ ուկրաինական շների հետ, որոնք հինգ ամիս հատուկ վերապատրաստում են անցել Կամբոջայում։
«Շատերը նախկինում սովորել են շների վարժեցում Սումիի ազգային ագրարային համալսարանում: Շների հետ վարվելակերպի դասընթացի ընթացքում նրանք նաև վերապատրաստում են անցել ձեռքով ականազերծման ոլորտում», – ասվում է Ուկրաինայում ԵՄ պատվիրակության հայտարարության մեջ:
