20.07.2026 | 23:24
Հայաստանը կունենա լեզվական պետական քաղաքականության նոր հիմնադրույթներ
Մեր առաջ պայման էին դրել, ասել ենք՝ վերջ, էս «հրաշքներ»-ի առաջ դրել են, ասել է՝ հա, բայց մերոնց չասեք․ Հայկ Մամիջանյան․ ՏԵՍԱՆՅՈՒԹ
Քաղաքականություն
12.08.2024 | 19:00
Հայ-թուրքական կարգավորման հարցով հատուկ բանագնացներ Ռուբեն Ռուբինյանի ու Սերդար Քըլըչի վերջին հանդիպումը ԱԺ «Պատիվ ունեմ» խմբակցության ղեկավար Հայկ Մամիջանյանը «դատարկ» հանդիպում է որակում։ Նա Factot TV-ի հետ զրույցում ասաց, որ որևէ ակնկալիք չուներ այդ հանդիպումից՝ հաշվի առնելով Ռուբինյան- Քըլըչ նախորդ հանդիպումների արդյունքները։
Ընդդիմադիր խմբակցության ղեկավարը նշեց, որ Թուրքիան ամենաբարձր մակարդակով հայտարարում է, որ հայ- թուրքական հարաբերությունները կարող են կագավորվել, երբ կարգավորվեն հայ-ադրբեջանական հարաբերությունները։
Նրա դիտարկմամբ, սակայն «Քաղաքացիական պայմանագիր» խմբակցության պատգամավորները պնդում են, որ Թուրքիայից նախապայմաններ չեն հնչում։
«Ես չեմ լսել, որ մեր ԱԳՆ-ն պատասխանի Թուրքիայի ներկայացրած նախապայմաններին։ Այսօր էլ հայ- թուրքական հարաբերությունների կարգավորումը համեմատում են «Ֆուտբոլային դիվանագիտության» հետ։ Սակայն, մեկ տարբերություն կա․ մեր առաջ փորձել են պայմաններ դնել, որոնք վնասելու էին Հայաստանին, մենք ասել են՝ վերջ, գործընթացը դադարում է, էս «հրաշքներ»-ի առաջ դրել են նախապայմաններ, իրենք ասել են՝ հա, բայց մերոնց չասեք»,- տեսակետ հայտնեց ԱԺ պատգամավորը։
Մանրամասները՝ տեսանյութում։
Մանյա Պողոսյան
