23.06.2026 | 18:14
Ասացի` զբաղվիր քո գործերով. Ավետիսյանը` իր և Անի Խաչատրյանի միջադեպի մասին․ ՏԵՍԱՆՅՈՒԹ
ՄԱԿ-ը Մերձավոր Արևելքում շտապ ապաէսկալացիայի կոչ է անում
Քաղաքականություն
05.08.2024 | 21:15
ՄԱԿ-ի մարդու իրավունքների գերագույն հանձնակատար Վոլկեր Թյուրքը Մերձավոր Արևելքում հրատապ ապաէսկալացիայի կոչ է արել՝ Գազայի պատերազմի հնարավոր տարածման մտավախությունների պատճառով, գրում է AFP-ը։
«Ես խորապես անհանգստացած եմ Մերձավոր Արևելքում ավելի լայն հակամարտությունների աճող ռիսկով և կոչ եմ անում բոլոր կողմերին, ինչպես նաև ազդեցություն ունեցող պետություններին շտապ գործողություններ ձեռնարկել ապաէսկալացիայի համար, որը չափազանց վտանգավոր է դարձել»,- ասել է նա։
Իրանը երկուշաբթի հայտարարել է, որ «օրինական իրավունք ունի պատժելու» Իսրայելին՝ Թեհրանում անցած շաբաթ պաղեստինյան ՀԱՄԱՍ խմբավորման քաղաքական առաջնորդ Իսմայիլ Հանիեի սպանության համար:
Միջազգային հանրությունը մտավախություն ունի, որ Իրանը, որն աջակցում է «Հըզբոլլահ»-ին և ՀԱՄԱՍ-ին, կարող է միանալ հակամարտությանը։
«Վերջին 10 ամիսների ընթացքում խաղաղ բնակիչները, հիմնականում՝ կանայք և երեխաներ, անտանելի ցավ ու տառապանք են կրել ռումբերի և զենքերի պատճառով»,- ասել է Թյուրքը՝ հավելելով, որ «ամեն ինչ պետք է արվի, որպեսզի այս իրավիճակը հետագայում անդունդը չգլորվի, որն է՛լ ավելի սարսափելի հետևանքներ կունենա խաղաղ բնակչության համար»:
