07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Ավինյանը խուսափել է ԱՆԻՖ-ի աշխատավարձերի և պարգևավճարների մասին Ձեր հարցին պատասխանել. Քերոբյան․ ՏԵՍԱՆՅՈՒԹ
Հասարակություն
31.07.2024 | 17:49
Հակակոռուպցիոն դատարանում այսօր նշանակված էր Էկոնոմիկայի նախկին նախարար Վահան Քերոբյանի գործով դատական նիստ, որը, սակայն, հետաձգվեց։ Նիստին չէին ներկայացել Քերոբյանի պաշտպանները:
Նշենք, որ դատարան ուղարկված գործով մեղադրյալի կարգավիճակ ունեն Վահան Քերոբյանն ու «Սիներջի» ընկերության տնօրեն Աշոտ Հովհաննիսյանը։ Գործը վերաբերում է էկոնոմիկայի նախարարության կարիքների համար ծառայության ձեռքբերման մրցույթի ընթացքում կատարված առերևույթ չարաշահումներին։ Քերոբյանն ու Հովհաննիսյանը չեն ընդունում իրենց առաջադրված մեղադրանքը:
Վահան Քերոբյանի որդին ԱՄՆ-ում համալսարան է ընդունվել և նախկին նախարարը միջնորդություն ուներ իր խափանման միջոցը փոխելու վերաբերյալ, որպեսզի հնարավորություն ունենա որդուն ուղեկցել ԱՄՆ: Դատարանը մեկ այլ դատական նիստ կհրավիրի` խափանման միջոցի հարցին անդրադառնալու համար:
Նիստի ավարտին Քերոբյանն անդրադարձավ իր մեղադրանքին, ինչպես նաև Տիգրան Ավինյանի` իր վերաբերյալ հայտարարություններին:
Արաքս Մամուլյան
