09.09.2026 | 14:56
«Սուտ եք խոսում, Տավուշից Ադրբեջանին գյուղ չի հանձնվել»․ բանավեճ՝ Ղալումյանի և Ղազարյանի միջև․ ՏԵՍԱՆՅՈւԹ
Սիսիան-Երևան ճանապարհին «Honda»-ն գլորվել է ձորը․ 2 ուղևորները տեղում մահացել են, վարորդը տեղափոխվել է ԲԿ
Հասարակություն
31.07.2024 | 14:30
Հուլիսի 31-ին, ժամը 08:50-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սպանդարյան գյուղի կամրջի մոտ տեղի է ունեցել ՃՏՊ. անհրաժեշտ է փրկարարների օգնությունը․ տեղեկացնում են ՆԳՆ ՓԾ-ից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Սիսիան-Երևան ավտոճանապարհի 18-րդ կմ-ին «Honda» մակնիշի ավտոմեքենան (վարորդ՝ Ա. Հ., ծնված 1990 թ.) դուրս է եկել ճանապարհի երթևեկելի գոտուց և մոտ 50 մ գլորվելով՝ հայտնվել ձորում. ուղևորներ Ն. Հ.-ն (ծնված 1990թ.) և Ժ. Հ.-ն (ծնված 1970 թ.) տեղում մահացել են։
Մինչ փրկարարների կանչի վայր հասնելը՝ վարորդը տեղափոխվել է բժշկական կենտրոն:
Փրկարարները փակել են գազի բալոնի փականը, հոսանքազրկել ավտոմեքենան և դիերը մոտեցրել դի տեղափոխող ավտոմեքենային
