09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Ռոբերտ Քոչարյանի անձնագիրը պահող պաշտոնյաները կարող են պատասխանատվության ենթարկվել․ պաշտպան․ ՏԵՍԱՆՅՈՒԹ
Քաղաքականություն
05.09.2018 | 13:24
Ռոբերտ Քոչարյանի փաստաբանների թիմին միացած Հովհաննես Խուդոյանը կարծում է, որ իր պաշտպանյալի անձնագիրը ՀՔԾ-ն անօրինական է պահում և նշում է, որ չի բացառվում, որ Քոչարյանի անձնագիրը պահած որոշ պաշտոնյաներ ենթարկվեն պատասխանատվության։
«Անկախ նրանից, թե քրեական հետապնդումը կդադարեցվեր, թե՝ չէ, նույնիսկ, եթե մենք ընդունեինք, որ հետապնդումը լրիվ իրավաչափ է և մեղադրյալի կարգավիճակում գտնվելու փաստը իրավաչափ է, նույնիսկ այդ դեպքում, եթե չկա մեղադրյալի նկատմամբ խափանման միջոց, անձը հաստատող փաստաթուղթը չի կարող պահվել վարույթն իրականացնող մարմնի մոտ: Իսկ դա պահելը ուղղակի օրենքի խախտում է, ինչը կառաջացնի հետևանքներ: Մենք կքննարկենք նաև որոշ պաշտոնատար անձանց քրեական պատասխանատվության ենթարկելու հարցը»,- ասաց Խուդոյանը:
Նկատենք, որ Ռոբերտ Քոչարյանի պաշտպանական թիմն այսօր ասուլիս է տվել «Պոստ Սկրիպտում» մամուլի ակումբում, որի սեփականատերը ԲՀԿ մամուլի խոսնակ Վանիկ Էլիզբարյանն է։ Չի բացառվում, որ պարոն Էլիզբարյանը բոլոր ուժերի արտահայտման համար ազատ հարթակ լինելու մամուլի ակումբի սկզբունքից ելնելով է տրամադրել հարթակը։ Ամեն դեպքում, ուշագրավ ընտրություն է․․․
Փաստաբան Հովհաննես Խուդոյանի խոսքի մանրամասները՝ տեսանյութում։
