23.11.2024 | 10:02
Տիգրան Ավինյանի գլխավորած պաշտոնական պատվիրակությունը մեկնել է ԱՄՆ
«Բարդ, սակայն ուժեղ որոշում»․ Զելենսկին՝ Բայդենի կողմից ընտրապայքարը թողնելու մասին
Քաղաքականություն
22.07.2024 | 13:10
Ուկրաինայի նախագահ Վլադիմիր Զելենսկին հայտարարել է, որ իր երկիրը երախտախարտ է ԱՄՆ նախագահ Ջո Բայդենին անսասան աջակցության համար։ Այս մասին Զելենսկին գրել է X-ի իր էջում՝ արձագանքելով Բայդենի` նախագահական ընտրապայքարը լքելու որոշմանը։
«Ուկրաինան երախտապարտ է նախագահ Բայդենին Ուկրաինայի ազատության համար մղվող պայքարին անսասան աջակցության համար, որը, երկկողմանի ուժեղ աջակցության հետ մեկտեղ, շարունակում է մնալ կրիտիկական։ Վերջին տարիներին շատ ուժեղ որոշումներ են ընդունվել, և դրանք կհիշվեն որպես նախագահ Բայդենի կողմից ձեռնարկված համարձակ քայլեր՝ ի պատասխան դժվար ժամանակների: Եվ մենք հարգում ենք այսօրվա բարդ, սակայն ուժեղ որոշումը: Մենք միշտ շնորհակալ կլինենք նախագահ Բայդենի առաջնորդության համար»,-նշել է Զելենսկին՝ ընդգծելով, որ Բայդենն աջակցել է Ուկրաինային պատմության ամենադրամատիկ պահին, օգնել թույլ չտալ Պուտինին օկուպացնել երկիրը:
«Ներկայիս իրավիճակը Ուկրաինայում և ամբողջ Եվրոպայում ոչ պակաս դժվարին է, և մենք անկեղծորեն հուսով ենք, որ Ամերիկայի շարունակական ուժեղ առաջնորդությունը կկանխի ռուսական չարիքի հաջողությունը կամ իր ագրեսիայի արդյունքը»,- գրել է Զելենսկին։
