23.06.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
ՌԴ ՊՆ-ն հայտնել է երկու շրջաններում ու բռնակցված Ղրիմում 19 խոցված ԱԹՍ-ների մասին
Քաղաքականություն
19.07.2024 | 12:52
Ռուսաստանի պաշտպանության նախարարությունը 19 անօդաչու թռչող սարքի ոչնչացման մասին է հայտնել երկու շրջաններում և բռնակցված Ղրիմում։
11 անօդաչու թռչող սարք են խոցել Կուրսկի շրջանում, երեքը՝ Բելգորոդի շրջանում, հինգը՝ բռնակցված Ղրիմում և Սև ծովի վրա, ասվում է գերատեսչության հաղորդագրության մեջ, փոխանցում է Current Time-ը։
Նահանգապետի պաշտոնակատար Ալեքսեյ Սմիրնովը հայտնել է, որ անօդաչու թռչող սարքերի բեկորներն ընկել են Կուրսկի մի քանի փողոցներում։
Դրուժինսկայա փողոցում վրավորվել ու այրվածքներ է ստացել երկու մարդ։ Նրանց բուժօգնություն է ցուցաբերվել տեղում։
Մեկ օր առաջ ՌԴ ՊՆ-ն հայտնել էր, որ հերթապահ հակաօդային պաշտպանության համակարգերը գիշերը ոչնչացրել և որսացել են 33 անօդաչու թռչող սարք բռնակցված Ղրիմի և երկուսը՝ Բրյանսկի շրջանում։
«Բացի այդ, Սև ծովում մարտական հրաձգային զինատեսակները ոչնչացրել են տասը անօդաչու նավ, որոնք շարժվում էին դեպի Ղրիմի թերակղզի», – ավելացրել է նախարարությունը:
Ռուսաստանի կողմից անեքսիայի ենթարկված Սևաստոպոլի «ղեկավար» Միխայիլ Ռազվոժաևը հայտարարել է անօդաչուի ոչնչացման մասին, որը, իբր, փորձել է գրոհել քաղաքը։
