09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Ֆոն դեր Լեյենը խոստացել է ԵՄ-ն վերածել պաշտպանական միության
Քաղաքականություն
18.07.2024 | 16:25
Եվրահանձնաժողովի նախագահ Ուրսուլա ֆոն դեր Լեյենը խոստացել է վերընտրվելու դեպքում իր ղեկավարման երկրորդ ժամկետում ստեղծել «Եվրոպական պաշտպանական միություն» և շարունակել պահել Եվրոպայի կանաչ անցման ընթացքը՝ միաժամանակ մեղմելով դրա բեռը արդյունաբերության վրա, գրում է Reuters-ը:
Ստրասբուրգում ելույթ ունենալով Եվրախորհրդարանում՝ ֆոն դեր Լեյենը ներկայացրել է մի ծրագիր, որը կենտրոնացած է բարգավաճման և անվտանգության վրա:
«Առաջիկա հինգ տարիները կսահմանեն Եվրոպայի տեղը աշխարհում առաջիկա հինգ տասնամյակների համար: Այն կորոշի՝ մենք ինքնե՞րս ենք կերտում մեր ապագան, թե՞ թույլ կտանք, որ այն կերտվի իրադարձությունների կամ այլոց կողմից»,- ասել է նա իր թեկնածության վերաբերյալ գաղտնի քվեարկությունից առաջ:
Ռուսաստանի ներխուժման դեմ պայքարում Ուկրաինային աջակցելու խոստումից հետո ֆոն դեր Լեյենն ասել է, որ Եվրոպայի ազատությունը վտանգված է, և այն պետք է ավելի շատ ներդրումներ կատարի պաշտպանության ոլորտում: Գերմանիայի պաշտպանության նախկին նախարար ֆոն դեր Լեյենը խոստացել է ստեղծել «իսկական եվրոպական պաշտպանական միություն»՝ օդային և կիբերպաշտպանության առաջատար նախագծերով:
Նա նաև քննադատել է Հունգարիայի վարչապետ Վիկտոր Օրբանի վերջին այցը Մոսկվա ՌԴ նախագահ Վլադիմիր Պուտինի հետ հանդիպելու համար՝ այն անվանելով «հանդարտեցման առաքելություն»։ Նրա այս ելույթն արժանացել է օրենսդիրների բուռն ծափահարություններին:
Նշենք, որ պաշտպանական քաղաքականությունը Եվրոպայում ավանդաբար եղել է ազգային կառավարությունների և ՆԱՏՕ-ի տիրույթը:
