16.11.2024 | 12:34
Վահագն Խաչատուրյանը ԿԽՄԿ նախագահի հետ քննարկել է գերիներին և անհետ կորածների հարցեր
Գտած զենքի մասին հայտարարությունները, այս ողջ աժիոտաժը ոչ այլ ինչ է, քան մանկամտություն. Հովիկ Աբրահամյան. Tert.am
Քաղաքականություն
04.09.2018 | 17:10
ՀՀ նախկին վարչապետ Հովիկ Աբրահամյանը Tert.am-ի հետ զրույցում անդրադառնում է «Մարտի 1»-ի գործի շրջանակում Մխչյան գյուղի նախկին մեխանիկա-վերանորոգման գործարանի տարածքից ԱԱԾ–ի կողմից ապօրինի զենքի հայտնաբերման միջադեպին՝ նշելով, որ հայտնաբերված զենքի մասին հայտարարությունները, այս ողջ աժիոտաժը ոչ այլ ինչ է, քան մանկամտություն։
-Մարտիմեկյան գործի նախաքննության շրջանակներում ԱԱԾ-ի կողմից Մխչյան գյուղի նախկին մեխանիկա-վերանորոգման գործարանի տարածքից ապօրինի զենքի հայտնաբերման միջադեպի առնչությամբ օգոստոսի 10-ին հայտնել էիք, որ այդ զենքի և տարածքի հետ կապ չունեք: Ենթադրաբար Ձեզ դրանից հետո էլ են կանչել հարցաքննության։ Այս ընթացքում վերլուծեցի՞ք, թե ինչու էիք հարցաքննվում: Համարո՞ւմ եք, որ Ձեր նկատմամբ վենդետա է իրականացվում:
– Անկեղծ ասած, այս ընթացքում ավելի կարևոր բաների մասին էի մտածում։ Ու հիմա էլ համաձայնեցի Ձեր հարցերին պատասխանել՝ կարևորի մասին խոսելու համար։ Անօրինական զենք պահել չի կարելի, և ում որ հարկն է ես ամոթանք արդեն տվել եմ դրա համար։ Հարցի այս կողմում մարդ է, որ սխալական է, և հասկացել է իր սխալը։ Բայց ինչ ասես, երբ հարցի մյուս կողմում պետությունն է, որն իրեն պահում է ոգևորված չար մանկան պես։ Գտած զենքի մասին հայտարարությունները, այս ողջ աժիոտաժը ոչ այլ ինչ է, քան մանկամտություն։ Ինչո՞ւ էիք ի լուր աշխարհի ստուգում դրանց կապը «Մարտի 1»-ի դեպքերի հետ, միանգամից վերջին 20 տարիների բոլոր միջազգային զինված հակամարտությունների հետ կապն էլ ստուգեիք։ Ամոթ է։ Դեռ երիտասարդ են, չեն ընկալում, որ մարդկանց հանիրավի անվանարկել չի կարելի։ Ուղղակի չի կարելի։ Ամոթ է, այլ բան չկա ասելու։
Առավել մանրամասն՝ սկզբնաղբյուր կայքում:
