01.11.2024 | 17:27
Փաշինյանի գլխավորությամբ քննարկվել է 2024-2026 թթ. Ոստիկանության ոլորտի բարեփոխումների ռազմավարական ծրագրի նախագիծը
Հայաստանն ու Ադրբեջանը դիմել են Շանհայի համագործակցության կազմակերպությունում դիտորդ երկրի կարգավիճակ ստանալու համար․ իրանցի պաշտոնյա
Քաղաքականություն
18.07.2024 | 12:00
Առնվազն հինգ երկիր դիմել է Շանհայի համագործակցության կազմակերպությունում դիտորդ երկրի կարգավիճակ ստանալու համար։ Այս մասին «Իզվեստիա»-ին հայտնել է ՇՀԿ քարտուղարությունում Իրանի ազգային համակարգող Մեհրդադ Քիաեն:
Նրա տեղեկացմամբ՝ այդ երկրներն են Հայաստանը, Ադրբեջանը, Բանգլադեշը, Կամբոջան և Շրի Լանկան։
«Մի քանի երկրներ միանալու հայտ են ներկայացրել, այդ թվում՝ Կամբոջան, Շրի Լանկան, Հայաստանը, Բանգլադեշը, Ադրբեջանը և այլն։ Այս երկրները (բացի Բանգլադեշից) ցանկանում են իրենց կարգավիճակը երկխոսության գործընկերոջից փոխել դիտորդի կարգավիճակի։ Մենք սկզբունքորեն պատրաստ ենք դիտարկել այս հարցը և, համաձայնեցնելով համապատասխան դիմորդների և կազմակերպության անդամ երկրների հետ, ինչ-որ եզրակացության գալ»,- ասել է պաշտոնյան։
Նրա խոսքով՝ «նախ նրանք պետք է դառնան դիտորդ, և միայն դրանից հետո՝ լիարժեք մասնակից»։
Բանգլադեշը երկխոսության գործընկերներից չէ, սակայն դիտորդի կարգավիճակ ստանալու ճանապարհին այս փուլը կարելի է շրջանցել։ Դրա համար անհրաժեշտ է կազմակերպության բոլոր անդամների համաձայնությունը:
