09.09.2026 | 18:30
Թմրանյութ կուլ տալով փախե՞լ է, թե՞ խոշտանգվել․ փաստաբանի ահազանգի հետքերով․ ՏԵՍԱՆՅՈւԹ
Թրամփը հնարավոր է համարում Ռուսաստանի դեմ պատժամիջոցների մեղմացումը․ Bloomberg
Քաղաքականություն
17.07.2024 | 11:38
ԱՄՆ նախագահի թեկնածու Դոնալդ Թրամփը դիտարկում է Ռուսաստանի դեմ պատժամիջոցների մեղմացման հարցը՝ որպես ուկրաինական պատերազմի ավարտի իր ծրագրի մի մաս։ Այս մասին նա հայտարարել է Bloomberg-ին տված հարցազրույցում։
«Պատժամիջոցներով մենք բոլորին հեռացնում ենք մեզանից, այնպես որ՝ ես չեմ սիրում պատժամիջոցները: Ինձ թվում էր, որ դրանք շատ օգտակար են Իրանի հետ, բայց նույնիսկ Իրանի դեպքում դրանք այդքան էլ պետք չէին»,- ասել է Թրամփը։
Նա նաև հիշեցրել է, որ իր նախագահության տարիներին լավ հարաբերություններ է ունեցել ՌԴ նախագահ Վլադիմիր Պուտինի հետ։
«Մեզ երբեք պատերազմ չի սպառնացել։ Նա երբեք չէր մտնի Ուկրաինա։ Ես ասացի՝ երբեք, երբեք մի՛ մտիր Ուկրաինա»,- հայտարարել է Թրամփը։
Այժմ, նրա կարծիքով, աշխարհն ավելի վտանգավոր է դարձել, քանի որ Ուկրաինայի պատերազմի ժամանակ ԱՄՆ գործող նախագահ Ջո Բայդենը «Ռուսաստանին և Չինաստանին ստիպել է ամուսնանալ»։
«Նրանք ամուսնացել են։ Հետո նրանք իրենց մոտ վերցրեցին իրենց փոքրիկ զարմիկին՝ Իրանին, իսկ հետո նաև Հյուսիսային Կորեային։ Նրանց ուրիշ ոչ ոք պետք չէ»,- ասել է ամերիկացի քաղաքական գործիչը։
Նախկինում Թրամփը բազմիցս հայտարարել է, որ նախագահի պաշտոնը ստանձնելուց հետո 24 ժամվա ընթացքում կկարողանա դադարեցնել պատերազմն Ուկրաինայում։ Ըստ Bloomberg-ի՝ նա պատրաստվում է Ուկրաինային ստիպել բանակցություններ վարել Մոսկվայի հետ՝ ռազմական օգնությունը դադարեցնելու սպառնալիքով։ Սրա հետ մեկտեղ, Թրամփը ցանկանում է Ռուսաստանին բերել բանակցությունների սեղանի շուրջ՝ սպառնալով մեծացնել Կիևին զենքի մատակարարումները։
