Սենատոր Բոբ Մենենդեսը մեղավոր է ճանաչվել կոռուպցիայի մեջ

Լուրեր

21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
Բոլորը

ԱՄՆ Մանհեթենի դաշնային ատենակալների դատարանը Նյու Ջերսիից սենատոր Բոբ Մենենդեսին մեղավոր է ճանաչել կոռուպցիայի մեջ: 70-ամյա Մենենդեսն իրեն մեղավոր չի ճանաչել առաջադրված 16 մեղադրանքներում, այդ թվում՝ կաշառակերության, օտարերկրյա գործակալի դերում հանդես գալու և արդարադատությանը խոչընդոտելու մեջ, գրում է VOA-ն:

Ըստ Դաշնային դատախազների՝ սենատորը և նրա կինը՝ Նադին Մենենդեսը, որպես կաշառք ընդունել են հարյուր հազարավոր դոլարի կանխիկ գումարի, ոսկու ձուլակտորների և ավտոմեքենաների և հիփոթեքային վճարումների տեսքով երեք գործարարներից: Դատախազների խոսքով՝ Մենենդեսը դրա դիմաց օգնել է միլիարդավոր դոլարների ԱՄՆ օգնություն տրամադրել Եգիպտոսին, որտեղ գործարարներից մեկը՝ Վաել Հանան, կապեր է ունեցել պետական պաշտոնյաների հետ:

Մենենդեսը մեղադրվում է նաև երկու այլ գործարարների՝ Ֆրեդ Դայբեսի և Խոսե Ուրիբեի դեմ քրեական հետաքննության ընթացքի վրա ազդելու փորձի մեջ։ Հանան և Դայբեսը դատավարության ժամանակ հանդես են եկել որպես համախոհներ: Ուրիբեն իրեն մեղավոր է ճանաչել և որպես մեղադրող կողմի վկա ցուցմունք տվել Մենենդեսի դեմ:

Մենենդեսին ավելի վաղ ևս առաջադրվել էր կոռուպցիայի մեղադրանք, սակայն գործն ավարտվել էր Նյու Ջերսիում 2017 թվականին՝ ավելի նեղ մեղադրանքներով դատավարությամբ:

Բոբ Մենենդեսը հրաժարական է տվել Սենատի արտաքին հարաբերությունների հանձնաժողովի նախագահի պաշտոնից՝ անցյալ տարվա սեպտեմբերին իրեն առաջադրված մեղադրանքներից հետո, սակայն դիմադրում էր դեմոկրատների՝ հրաժարական տալու կոչերին: Նա հանդես է գալիս որպես անկախ թեկնածու՝ նոյեմբերին վերընտրվելու համար, սակայն կանխատեսվում է, որ հաղթելու քիչ հնարավորություններ ունի։

Պաշտպանական կողմի փաստաբանները պնդում էին, որ Մենենդեսի գործունեությունն ի շահ իր նահանգի գործարարների դուրս չէ սենատորի պարտականությունների սահմաններից, և փորձում էին մեղադրանքի հիմնական մասը բարդել նրա կնոջ վրա, ում դատախազներն անվանում են որպես կաշառք վերցնելու միջնորդ: Փաստաբանները նշել են, որ ոսկու ձուլակտորները հայտնաբերվել են նրա պահարանում։ Նրանք պնդում են, որ զույգն ապրել է գործնականում առանձին, և որ Նադին Մենենդեսն ամուսնուն չի տեղեկացրել իր ֆինանսական հարցերի վերաբերյալ:

Պաշտպանական կողմը նաև հայտարարել է, որ սենատորը կանոնավոր կերպով կանխիկ գումար է հանել բանկերից և տասնամյակներ շարունակ պահել այն իր տանը: Նրա ավագ քույրը վկայություն է տվել, որ նա այդ սովորությունը փոխառել է ծնողներից, ովքեր փախել են Կուբայից՝ իրենց հոր պահած կանխիկ գումարով:

Նադին Մենենդեսը չի մասնակցել Բոբ Մենենդեսի դատավարությանը, քանի որ նրա մոտ քաղցկեղ է ախտորոշվել: Նա դատարան կներկայանա ավելի ուշ։