22.06.2026 | 22:08
Դպրոցները փակվել են, Ֆրանսիայի կեսից ավելին ռեկորդային շոգի պատճառով կարմիր գոտում է
Իրանի ԱԳՆ ղեկավարը հայտարարել է, որ Լիբանան ներխուժումն «անդառնալի դժոխք» կլինի Իսրայելի համար
Քաղաքականություն
16.07.2024 | 18:10
Լիբանան Իսրայելի հնարավոր ներխուժումն «անդառնալի դժոխք» կդառնա հրեական պետության համար։ Նման կարծիք է հայտնել Իրանի ԱԳՆ ղեկավարի ժամանակավոր պաշտոնակատար Ալի Բաղերի Քանին։
«Վերջին 9 ամիսներին սիոնիստները Գազայում մարտերում պարտվել են։ Եթե նրանք ցանկանում են ներխուժել Լիբանան, ապա դա նրանց համար կդառնա խորը ջրհոր։ Լիբանանը սիոնիստների համար անդառնալի դժոխք կդառնա»,- հայտարարել է նա ամերիկյան Newsweek պարբերականին տված հարցազրույցում՝ պատասխանելով Իսրայելի ու Լիբանանի միջև հակամարտության սրման հնարավորության մասին հարցին։
Ալի Բաղերի Քանիի խոսքով՝ տարածաշրջանում ուժերի հարաբերակցությունը փոխվել է ՀԱՄԱՍ-ի զինյալների կողմից Իսրայելի վրա հարձակումից և Գազայի հատվածում իսրայելական գործողության մեկնարկից հետո։ Նա Իսրայելի գործողությունները գնահատել է որպես նախկին իրավիճակին վերադառնալու փորձ, այդ թվում՝ ռազմական գործողությունների ընդլայնմամբ։
Իրանցի պաշտոնյան հավելել է, որ Իսրայելը կարող է «դիտավորյալ մտնել Լիբանան և ընդլայնել ռազմական գործողություններն իր տարածքում, սակայն չի կարողանա իր կամքով վերջ տալ պատերազմին և լարվածությանը»։ Փոխարենը Իսրայելը պետք է հաշտվի ուժերի նոր հարաբերակցության հետ, ասել է Քանին։
