Թշնամանք չի կարող լինել, այն ամենը, ինչ կատարվեց Հայաստանում հակասում է թշնամանքին և ատելությանը․ Նարինե Թուխիկյան․ ՏԵՍԱՆՅՈՒԹ

Քաղաքացին «Իմ քայլը» դաշինքի ծրագրերը կարդալով և հանդիպելով ավագանու և քաղաքապետի թեկնածուներին՝ կզանազանի պոպուլիստական ռոմանտիկին իրատեսականից։ Ես համաձայն եմ, որ ծրագրերի մեջ պետք է ունենաս ռոմանտիզմը, որպեսզի գնաս դրա հետևից, բայց այն պետք է լինի իրատեսական, քանի որ բոլորս հոգնած ենք այն խոսքերից, որոնք չեն վերածվում գործի։

Այսօր լրագրողների հետ հանդիպման ժամանակ, խոսելով քաղաքական կուսակցությունների նախընտրական խոստումներից և ծրագրերից, ասաց «Իմ քայլը» դաշինքի անդամ Նարինե Թուխիկյանը։

«Առաջին մեծ փորձությունը,  որի համար շատ պատասխանատու պետք է լինեն բոլորը՝ հատկապես ընտրողները, այն է, որ քաղաքացին պետք է հասկանա, որ սա մի բացառիկ հնարավորություն է՝ իսկապես արտահայտելու իր կամքը։ Առանց թափանցիկ և արդար ընտրությունների հնարավոր չէ որևէ բան իրականացնել։ Շատ լավ է, որ դրան մասնակցում են տարբեր ուժեր և հասարակությունը կարող է ընտրել այն ուժին, որին կվստահի թե՛ ծրագրային առումով, թե՛ թեկնածուներին հաշվի առնելով»,- ասաց Նարինե Թուխիկյանը։

Վերջինս նշեց, որ համագործակցություն կլինի բոլոր ուժերի հետ, իսկ թշնամանքի մասին խոսել էլ պետք չէ։

«Թշնամանք չի կարող լինել, այն ամենը, ինչ կատարվեց Հայաստանում հակասում է թշնամանքին և ատելությանը։ Բոլոր այն ուժերը, որոնք կհայտնվեն ավագանիում, միասին կվերահսկեն քաղաքապետի աշխատանքը, և ենթադրում եմ, որ այդ բոլոր ուժերը համախմբված են մեկ նպատակի՝ Երևանի բարեկեցության շուրջ»,- ասաց նա։ 

Մանրամասները՝ տեսանյութում։