Պաշտոնական Բաքուն հայտնել է Իրանում Ադրբեջանի դեսպանատան գործունեության վերսկսման մասին

Լուրեր

21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
Բոլորը

Բաքվի և Թեհրանի միջև բանակցությունների արդյունքում 2024 թվականի հուլիսի 15-ից Իրանում Ադրբեջանի դեսպանությունը վերսկսել է գործունեությունը նոր հասցեով։ Դեսպանն ու դեսպանատան ներկայիս անձնակազմը վերադարձել են Իրան։ Այս մասին հայտնում է Ադրբեջանի ԱԳՆ-ն։

Նշվում է, որ իրանական կողմը, որպես հավատարմագրման երկիր, դիվանագիտական ​​հարաբերությունների մասին Վիեննայի կոնվենցիայի  անվտանգության ապահովման իր պարտավորություններին համապատասխան, իրականացրել է միջոցներ՝ դեսպանատան նոր շենքի դիմաց դիվանագիտական ​​անվտանգությունն ապահովելու համար։ Ներկայում աշխատանքներ են տարվում Իրանում դեսպանատան նոր շենքում հյուպատոսական ծառայությունների կազմակերպման ուղղությամբ, իսկ հյուպատոսական ծառայությունների վերսկսման մասին լրացուցիչ տեղեկատվություն կտրամադրվի առաջիկայում։

«Դեսպանատան աշխատանքի վերսկսումը կնպաստի փոխադարձ հարգանքի և բարիդրացիության վրա հիմնված ադրբեջանա-իրանական հարաբերությունների հետագա զարգացմանը, երկու երկրների միջև ձեռք բերված պայմանավորվածությունների իրականացմանը և առկա հարցերի լուծմանը»,- ասվում է հայտարարության մեջ։

Նշենք, որ օրերս էլ Իրանի ԱԳՆ Եվրասիայի գլխավոր վարչության ղեկավար Մուջթաբա Դեմիրչիլուն հայտարարել էր, որ Թեհրանում Ադրբեջանի դեսպանությունն աշխատանքը կվերսկսի առաջիկա 15-20 օրվա ընթացքում։

Հիշեցնենք, որ 2023 թվականի հունվարի 27-ին Իրանում Ադրբեջանի դեսպանատան վրա զինված հարձակման հետևանքով մեկ մարդ էր զոհվել, երկուսը՝ վիրավորվել։ Պաշտոնական Բաքուն դեսպանատան վրա իրականացված հարձակումն «ահաբեկչություն» էր որակել։ Միջադեպից հետո Բաքուն տարհանել էր Թեհրանում Ադրբեջանի դեսպանատան աշխատակիցներին, որից հետո դեսպանատան գործունեությունը դադարեցվել էր։

Հարձակումն իրականացրած անձը ձերբակալվել էր, և շուրջ մեկ տարի դատավարություն էր ընթանում։ Իրանի Արդարադատության նախարարությունը տեղեկություն էր տարածել, որ նա դատապարտվել է մահապատժի։

Էմմա Չոբանյան