30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ՌԴ ՊՆ-ն հայտնել է Բրյանսկի, Լիպեցկի մարզերում և բռնակցված Ղրիմում 22 ԱԹՍ-ի ոչնչացման մասին
Քաղաքականություն
15.07.2024 | 11:33
ՌԴ Պաշտպանության նախարարությունը հայտնել է 22 խոցված անօդաչու թռչող սարքերի մասին։ Գերատեսչության տվյալներով՝ Բրյանսկի շրջանում գիշերը ոչնչացվել է 15 անօդաչու թռչող սարք, Լիպեցկում՝ մեկ, բռնակցված Ղրիմում՝ վեց, փոխանցում է Current Time-ը։
Մինչ այդ, Բրյանսկի շրջանի նահանգապետ Ալեքսանդր Բոգոմազը հայտնել է, ընդհանուր առմամբ, 17 անօդաչու թռչող սարքի ոչնչացման մասին։ Հարձակման են ենթարկվել մի քանի շրջաններ, սակայն զոհերի կամ ավերածությունների մասին տեղեկություններ չկան։
Լիպեցկի շրջանի ղեկավար Իգոր Արտամոնովը հայտնել է, որ անօդաչու թռչող սարքն ընկել է ենթակայանի տարածքում, սակայն, նրա պնդմամբ, դրա աշխատանքը չի խաթարվել։
Մոսկվայի կողմից բռնակցված Սևաստոպոլի նահանգապետ Միխայիլ Ռազվոժյաևը հայտնել է, որ կործանված անօդաչու թռչող սարքի բեկորներն ընկել են Ֆիոլենտի շրջանում՝ առանձնատան մոտ, ոչ ոք չի տուժել։
Ավելի ուշ տարածաշրջանում բալիստիկ հրթիռի հարձակման նախազգուշացում է հայտարարվել։ Ղրիմի կամրջով երթևեկությունը երկու անգամ արգելափակվել է՝ կամրջով անցման երկու կողմերում հազարավոր մեքենաների հերթեր են կուտակվել:
