Քաղաքականություն
08.07.2024 | 21:29
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Իրանի նորընտիր նախագահ Մասուդ Փեզեշքիանի հետ։
Թուրքական կողմի տարածած հաղորդագրության համաձայն՝ քննարկվել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։ Էրդողանը հայտարարել է, թե կարծում է, որ Թուրքիայի և Իրանի հարաբերությունները նոր ժամանակաշրջանում կշարունակեն զարգանալ բոլոր ոլորտներում։
Էրդողանը նաև շնորհավորել է Իրանի նախագահին ընտրություններում հաղթանակի կապակցությամբ և հաջողություն մաղթել նոր պաշտոնում։
