15.12.2025 | 19:29
NAN-ի վտանգավոր խմբաքանակները Հայաստան չեն ներմուծվել. ՍԱՏՄ
Հայկ Հարությունյանը Մարտի 1-ի գործով հրավիրվե՞լ է հարցաքննության
Հասարակություն
03.09.2018 | 15:40
Հատուկ քննչական ծառայությունը հաղորդագրություն է տարածել և նշել, որ Մարտի 1-ի գործի վերաբերյալ նոր քրեական գործ է հարուցվել։
Հաղորդագրության մեջ մասնավորապես ասվում է․ «Ոստիկանության կողմից կատարված գործողությունների հակաօրինական լինելու վերաբերյալ փաստահավաք խմբի, ինչպես նաև հանրության մոտ ի հայտ եկած կասկածները ցրելու, այդ ապօրինությունները քողարկելու, դրանք որպես իրավաչափ ներկայացնելու, ինչպես նաև այդ գործողությունների համար հետագայում պատասխանատվությունից ազատվելու խմբային շահերից ելնելով` ոստիկանության բարձրաստիճան պաշտոնատար անձանց կողմից կեղծվել և շրջանառության մեջ են դրվել համապատասխան պաշտոնական փաստաթղթեր, թե իբր ոստիկանության տարբեր ստորաբաժանումներում 2008թ. փետրվարի 29-ին ստացվել են տեղեկություններ «Ազատության» հրապարակում նստացույցի մասնակցող անձանց մոտ զենքի, զինամթերքի, պայթուցիկ սարքերի առկայության մասին»:
Նշենք, որ 2008 թվականի Մարտի 1 դեպքերի ժամանակ ՀՀ ոստիկանապետն էր Հայկ Հարությունյանը։ Factor.am-ը Հատուկ քննչական ծառայության խոսնակ Մարինա Օհանջանյանից հետաքրքրվեց՝ արդյոք Հարությունյանը հրավիրվել է հարցաքննության և ի՞նչ կարգավիճակ ունի նա Մարտի 1-ի գործով: «Նախաքննության շահերից ելնելով մասնավորապես այս փուլում չենք կարող տեղեկություն տրամադրել, թե ովքեր են հարցաքննվել։ Ինչը հրապարակման ենթակա է, հայտարարվում է»,- ասաց նա։
Լիլիթ Շաբոյան
