26.06.2026 | 21:09
Իրանը վերահաստատել է Հորմուզի նեղուցում նավագնացությունը վերահսկելու իր իրավունքը ու զգուշացրել Պարսից ծոցի երկրներին
ԱՍՀ նախարարը Վիլնյուսում քննարկել է աշխատանքի և սոցիալական պաշտպանության ոլորտում փոխադարձ հետաքրքրություն ներկայացնող հարցեր
Տնտեսություն
05.07.2024 | 19:33
Աշխատանքի և սոցիալական հարցերի նախարար Նարեկ Մկրտչյանը Վիլնյուսում հանդիպում է ունեցել Ռումինիայի աշխատանքի և սոցիալական համերաշխության նախարար Սիմոնա Բուկուրա Օպրեսկուի հետ։ Այս մասին տեղեկացնում են ՀՀ աշխատանքի և սոցիալական հարցերի նախարարությունից։
«Հանդիպման ընթացքում քննարկվել են աշխատանքի և սոցիալական պաշտպանության ոլորտում փոխադարձ հետաքրքրություն ներկայացնող մի շարք հարցեր․ պայմանավորվածություն է ձեռք բերվել համագործակցություն սկսել Միասնական սոցիալական ծառայության և Ռումինիայի հանրային ծառայություններ տրամադրող պետական մարմնի միջև։
Ընդգծել են նաև «Աշխատանքի և սոցիալական պաշտպանության ոլորտում համագործակցության մասին» փոխըմբռնման հուշագրի կնքման կարևորությունը և պատրաստակամություն հայտնել սահմանված ժամկետներին համապատասխան՝ անհրաժեշտ ընթացք ապահովել։
Հանդիպման ավարտին կողմերն անդրադարձել են նաև փորձի փոխանակման համատեքստում փոխադարձ այցերի կազմակերպման կարևորությանը»,- ասված է հաղորդագրության մեջ։
