Աբխազիայի ԱԳՆ-ն դժգոհություն է հայտնել ՀՀ-ի կողմից Վրաստանի տարածքային ամբողջականության ճանաչման կապակցությամբ

Լուրեր

21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
Բոլորը

Աբխազիայի ԱԳՆ-ն հայտարարություն է տարածել՝ դժգոհություններ հայտնելով ՀՀ ԱԳ նախարար Արարատ Միրզոյանի՝ Վրաստանի կատարած այցի ընթացքում հնչեցրած հայտարարությունների կապակցությամբ։

«Ուշադրություն ենք հրավիրում Վրաստանի և Հայաստանի Հանրապետության արտաքին գործերի նախարարներ Իլյա Դարչիաշվիլիի և Արարատ Միրզոյանի՝ տարածքային ամբողջականության և ինքնիշխանության փոխադարձ ճանաչման և հարգանքի մասին հայտարարություններին, որոնք արվել են Հայաստանի արտաքին գործերի նախարարի՝ հուլիսի 3-ին Թբիլիսի կատարած այցի ընթացքում։ Այս կապակցությամբ հարկ ենք համարում հայտարարել, որ Աբխազիայի Հանրապետությունն անկախ պետություն է, որի ինքնիշխան կարգավիճակն ամրագրված է 1994 թվականի Աբխազիայի Հանրապետության Սահմանադրությամբ և հաստատվել է 1999 թվականին Հանրապետության պետական ​​անկախության մասին ակտով, որն ընդունվել է համաժողովրդական հանրաքվեի արդյունքում»,- ասվում է հայտարարության մեջ։

Աբխազական կողմը Հայաստանին «հորդորում է չօգտագործել Վրաստանի առասպելական տարածքային ամբողջականության մասին կարծրատիպային արտահայտությունները, որոնք հակասում են օբյեկտիվ իրականությանը»։

«Նաև ուշադրություն ենք դարձրել հայկական կողմի դիրքորոշման լուրջ փոփոխությանը ՄԱԿ-ի Գլխավոր վեհաժողովում քվեարկելիս՝ ի պաշտպանություն «Աբխազիայից և Հարավային Օսիայից ներքին տեղահանվածների և փախստականների իրավիճակի մասին» բացարձակ կողմնակալ բանաձևին: Տագնապալի է, որ Հայաստանի ներկայացուցիչներն առաջին անգամ քվեարկել են այս բանաձևի օգտին, չնայած այն հանգամանքին, որ Աբխազիայի հայկական սփյուռքը կարևոր տեղ է զբաղեցնում մեր Հանրապետության անկախության կայացման և ամրապնդման գործընթացում։ Աբխազիայի հայկական սփյուռքի շատ ներկայացուցիչներ մեր Հանրապետության ականավոր հայրենասերներն են և աբխազ ժողովրդի հետ կողք կողքի զենքը ձեռքին պաշտպանել են մեր երկրի անկախությունը վրացի ագրեսորներից։ Հույս ունենք, որ մոտ ապագայում Հայաստանի ղեկավարությունը ճիշտ հետևություններ կանի ստեղծված իրավիճակից և կհարմարեցնի իր դիրքորոշումն այս հարցում»,- ասվում է հայտարարության մեջ։