18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
«Մարտի 1»-ի դեպքերի քննությունը Հայաստանի Հանրապետության ներքին գործն է. Լավրով
Քաղաքականություն
03.09.2018 | 13:18
Առաջիկայում նախատեսվում է Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի հանդիպումը: Այս մասին հայտարարել է Ռուսաստանի արտգործնախարար Սերգեյ Լավրովը. տեղեկացնում է ria.ru-ն:
«Մոտ ապագայում ևս մեկ հանդիպում է նախատեսվում ՌԴ նախագահ Պուտինի և ՀՀ վարչապետ Փաշինյանի միջև: Կարծում եմ՝ կարևոր է լսել, թե ինչպես է Հայաստանի նոր առաջնորդը գնահատում իր երկրի զարգացման հեռանկարները: Մենք, իհարկե, անտարբեր չենք, թե այս իրավիճակում ինչպես են իրականացվելու Հայաստանի պարտավորությունները ՀԱՊԿ-ում, մենք հավատում ենք, որ այդ պարտավորությունների կիրառումը պետք է լինի լիարժեք՝ այդ թվում և կազմակերպության հեղինակության ամրապնդման առումով», – ասել է Լավրովը՝ խոսելով Արտաքին հարաբերությունների մոսկովյան ինստիտուտի առաջին կուրսեցիների հետ:
tass.ru-ի փոխանցմամբ՝ մեկնաբանելով 2008 թ. մարտի 1-ի դեպքերի քննությունը՝ Լավրովը նշել է. «Իհարկե, մենք մտահոգված ենք, որ Հայաստանում իրավիճակը դեռևս եռում է՝ կապված տասնամյակներ առաջ տեղի ունեցած դեպքերի ուսումնասիրմամբ, դուք գիտեք փաստերը, գիտեք, որ ձերբակալություններ են տեղի ունենում: Դա, իհարկե, մենք համարում ենք Հայաստանի Հանրապետության ներքին գործը: Եվ մենք իսկապես ցանկանում ենք, որ այդ բոլոր ներքին գործերը կարգավորվեն օրենքի, Սահմանադրության ամուր հիմքերի վրա ու արագորեն հաղթահարվեն»:
