Կարասինն արձագանքել է Արցախը Մոսկվայի կողմից Ադրբեջանին հանձնելու՝ Արմեն Գրիգորյանի հայտարարությանը
Քաղաքականություն
26.06.2024 | 17:43![](https://factor.am/wp-content/uploads/2024/06/f7bcfd40-33b6-11ef-b98e-02420a0000c9_1024.jpg)
Հայաստանի Անվտանգության խորհրդի քարտուղար Արմեն Գրիգորյանի խոսքերը, որ Ռուսաստանը եկել, վերցրել է Լեռնային Ղարաբաղը հայերից, փոխանցել Ադրբեջանին և հեռացել, չի համապատասխանում իրականությանը։ Այս մասին հայտարարել է Դաշնային խորհրդի միջազգային հարցերով կոմիտեի նախագահ Գրիգորի Կարասինը, գրում է News.ru-ն։
Նա ասել է, թե հաստատելու համար պարզապես անհրաժեշտ է կարդալ հայ քաղաքական գործիչների ելույթները։
«Պետք է անդրադառնալ հայ քաղաքական գործիչների, այդ թվում՝ բարձրագույն ղեկավարության գրառումներին ու ելույթներին։ Դրանք հայտնի են, թող կարդա»,- հայտարարել է Կարասինը։