08.09.2026 | 10:31
Պապոյանը Դուբայում քննարկել է հայկական կառուցապատման ոլորտը միջազգային հարթակներում ներկայացնելու հնարավորությունները
ՌԴ-ն առանց Նիկոլ Փաշինյանի և Արմեն Գրիգորյանի չէր կարող ԼՂ-ն վերցնել ՀՀ-ից, տալ Ադրբեջանին. իրենք մասնակից են եղել․ Անդրիաս Ղուկասյան. ՏԵՍԱՆՅՈՒԹ
Քաղաքականություն
26.06.2024 | 20:00
ԱՄՆ-ն և ՀՀ-ն հարաբերությունների կարգավիճակը բարձրացրին Ռազմավարական գործընկերության հանձնաժողովի, ինչպիսին առկա է ԱՄՆ-ի և Իսրայելի միջև։ Վերջին շաբաթվա ընթացքում Հայաստան են ժամանել ԱՄՆ Պետքարտուղարի երկու տեղակալներ։ Ո՞րն է Ռուսաստանի և Ադրբեջանի մտահոգությունը Հարավային Կովկասում, որ դատապարտեցին Ֆրանսիային՝ Հայաստանին «Սեզար» տեսակի հրետանի վաճառելու համար։ Հնարավո՞ր է վտանգ են տեսնում ռեգիոնում Արևմուտքի դիրքերի ուժեղացման, որը կարող է քանդել Ռուսաստանի, Ադրբեջանի, Թուրքիայի ձևավորած տանդեմը, որը ռեգիոնում դոմինանտ դառնալու հավակնություն ունի։ Հայ կառուցողական կուսակցության ղեկավար, քաղաքագետ Անդրիաս Ղուկասյանը, Factor TV-ի հետ զրույցում պատասխանելով այս հարցին, այսպիսի կարծիք է հայտնում․
«Թուրքիան չի՛ կարող ԱՄՆ-ին առարկել, որ ՀՀ-ի բանակը պիտի զինվի՝ ՌԴ-ից կախվածությունը նվազեցնելու նապատով, թուրքերը կոշտ չեն խոսել Ֆրանսիայի զենքի վաճառքի մասին։ Մեծ նվաճում է Ֆրանսիայից և Հնդկաստանից այդ զենքերը ստանալը։ Թուրքիան շատ կոշտ առարկելու է ԱՄՆ-ին և Ֆրանսիային՝ ՀՀ-ին զինելու հարցում, երբ սկսենք բավարար զինվածություն հասնել»։
ՀՀ ԱԽ քարտուղար Արմեն Գրիգորյանը այսօր հայտարարեց․ «ՌԴ-ն եկել, հայերից վերցրել է Լեռնային Ղարաբաղը, վերադարձրել է Ադրբեջանին և հետ է գնացել, սա է եղել իրականությունը։ Այդ ժամանակ մենք ամբողջովին կախված էինք ՌԴ-ից։ Առանց ՌԴ-ի թույլտվության այս պատերազմը տեղի չէր ունենա»։ Ղուկասյանը պնդեց, թե ՌԴ-ն առանց Նիկոլ Փաշինյանի և Արմեն Գրիգորյանի չէր կարող ԼՂ-ն վերցնել ՀՀ-ից, և Ադրբեջանին տալ։ Ըստ նրա՝ նրանք մասնակից են եղել։
Հարցազրույցն ամբողջությամբ՝ տեսանյութում։
Ռոբերտ Անանյան
