07.10.2026 | 15:26
«Ռոսատոմը» հաստատել է՝ հայկական ԱԷԿ-ը մինչև 2031 թվականը պատրաստ կլինի անվտանգ շահագործման
Չենք ճանաչում և անհեթեթ ենք համարում․ Պեսկովը՝ Շոյգուին և Գերասիմովին կալանավորելու ՄՔԴ-ի օրդերների մասին
Քաղաքականություն
26.06.2024 | 15:35
Ռուսաստանը չի ճանաչում և անհեթեթ է համարում ՌԴ Անվտանգության խորհրդի քարտուղար Սերգեյ Շոյգուին և ԶՈՒ Գլխավոր շտաբի պետ Վալերի Գերասիմովին կալանավորելու՝ Միջազգային քրեական դատարանի (ՄՔԴ) օրդերները։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Մենք չենք ճանաչում այդ դատարանի իրավասությունը, համապատասխան կանոնադրության անդամ չենք։ Հետևաբար, մենք չենք ճանաչում այդ օրդերները, դրանք համարում ենք բավականին անհեթեթ, ինչպես և նախորդ երկու օրդերները, որոնք վերաբերում էին պետության ղեկավարին ու երեխաների օմբուդսմենին»,- ասել է Պեսկովը։
Հիշեցնենք, որ նախօրեին Միջազգային քրեական դատարանի երկրորդ նախաքննական պալատը ՌԴ պաշտպանության նախկին նախարար Սերգեյ Շոյգուին և Գլխավոր շտաբի պետ Վալերի Գերասիմովին կալանավորելու օրդեր էր տվել։
2023 թվականի մարտի 17-ին էլ ՄՔԴ-ն ՌԴ նախագահ Վլադիմիր Պուտինին և երեխաների օմբուդսմեն Լվովա-Բելովային կալանավորելու օրդեր էր տվել։
