21.07.2026 | 15:58
Հայ ըմբշամարտիկները Բաքու կմեկնեն՝ Մ-17 տարեկանների Աշխարհի առաջնությանը մասնակցելու համար
Չվերթների վայրէջքին խանգարել է ուժգին քամին․ «Զվարթնոց»-ի մամուլի խոսնակ
26.06.2024 | 11:14
Երեկվա չվերթների ժամանակին վայրէջք չկատարելը «Զվարթնոց» միջազգային օդանավակայանում պայմանավորված է եղել եղանակային վատ պայմաններով՝ ուժգին քամով, այս մասին Factor.am-ի հետ զրույցում տեղեկացրեց «Զվարթնոց» օդանավակայանի մամուլի խոսնակ Լուսինե Մողրովյանը։
«4 չվերթի հետ է կապված եղել խնդիրը՝ Դոհա- Երևան, Ռիգա-Երևան, Դուբայ-Երևան, Սոչի-Երևան։ Սոչի-Երևան չվերթի ինքնաթիռն ուղևորվել է Թբիլիսի օդանավակայան, հետո մի փոքր ավելի ուշ վերադարձել է։ Մոսկվա-Երևան չվերթն է մի փոքր ուշացումով վայրէջք կատարել»,- մանրամասնեց նա։
Մամուլի խոսնակը վստահեցրեց, որ «Զվարթնոց» օդանավակայանի բնականոն աշխատանքը վերականգնված է։
Հիշեցնենք, որ անցած գիշեր «Զվարթնոց» օդանավակայանում չէին կարողանում վայրէջք կատարել մի շարք չվերթներ։
Մանյա Պողոսյան
