07.10.2026 | 14:11
Վենսը հայտարարել է, որ պատերազմին վերջ տալու համար Իրանը պետք է կրճատի ուրանի հարստացումը
ԵՄ ԱԳ նախարարները հունիսի 24-ին կքննարկեն Վրաստանում ստեղծված իրավիճակին ի պատասխան գործողությունները
Քաղաքականություն
21.06.2024 | 20:45
ԵՄ 27 երկրների արտգործնախարարները հունիսի 24-ին կքննարկեն կազմակերպության գործողությունները՝ ի պատասխան Վրաստանում ստեղծված իրավիճակի՝ «օտարերկրյա գործակալների մասին» օրենքի ընդունման հետ կապված։ Այս մասին Բրյուսելում լրագրողներին հայտնել է ԵՄ բարձրաստիճան պաշտոնյան ԵՄ 27 երկրների արտաքին գործերի նախարարների հանդիպումից առաջ, գրում է Euractive-ը:
«Նախարարները կքննարկեն իրավիճակը, և թե ինչ քայլեր կարող ենք ձեռնարկել նման ժողովրդավարական հետընթացի պայմաններում»,- ասել է նա:
Լրագրողների հարցին՝ արդյո՞ք որոշում կկայացվի երկուշաբթի, դիվանագետը պատասխանել է. «Ոչ, մենք որոշումներ չենք ակնկալում երկուշաբթի»:
«Կան տարբերակներ, անդամ երկրները մտածում են դրանց մասին։ Մենք սպասում ենք լավ քննարկում, թե ինչպես կարող ենք արձագանքել։ Ուշ թե շուտ մենք պետք է տեսնենք, թե ինչպես պետք է գործենք»,- նշել է նա։
