23.02.2026 | 20:00
Իրանի դեմ ԱՄՆ-ի ռազմական գործողությունների վտանգը մեծ է․ դիվանագիտական գործարքի շանսը նվազ է․ Արմեն Պետրոսյան․ ՏԵՍԱՆՅՈՒԹ
Բուլղարիայի խորհրդարանի նախագահ է ընտրվել Ռայա Նազարյանը
Քաղաքականություն
20.06.2024 | 15:32
Ռայա Նազարյանն ընտրվել է Բուլղարիայի խորհրդարանի նախագահ, հայտնում են բուլղարական լրատվամիջոցները։ Նրա օգտին քվեարկել է 131 պատգամավոր, դեմ՝ 66, ձեռնպահ՝ 39։
Նազարյանին աջակցել է GERB-SDS կուսակցությունների դաշինքը։
BTA գործակալությունը նշում է, որ Ռայա Նազարյանը ծնվել է Վառնայում 1985 թվականի սեպտեմբերի 16-ին, ավելի քան 12 տարի զբաղվել է իրավաբանությամբ։ Նա մեծ փորձ է կուտակել բուլղարական դատարաններում առևտրային, քաղաքացիական և վարչական դատավարություններում:
Միջնորդության և իրավական վեճերի արտադատական լուծման մասնագետ է, Սոֆիայի փաստաբանների միության անդամ, իրավաբանական ընկերության գործընկեր և համահիմնադիր:
Ռայա Նազարյանն ընտրություններում գլխավորել է GERB-UDF-ի ընտրացուցակը Սոֆիայի թիվ 24 ընտրատարածքում: Նա քաղաքականություն է մտել 2022 թվականին:
