07.10.2026 | 16:15
Գարեգին Երկրորդը իրավաբանների ու սահմանադրագետների հետ քննարկել է Եկեղեցու դեմ նախաձեռնությունները
Եվրո-2024. Պորտուգալիան հաղթանակ կորզեց Չեխիայի դեմ խաղում
19.06.2024 | 09:50
Ֆուտբոլի Եվրոպայի առաջնության F խմբի առաջին տուրում Պորտուգալիան մրցեց Չեխիայի հետ:
«Արմենպրես»-ի հաղորդմամբ` Լայպցիգում կայացած խաղի մեկնարկում պորտուգալացիները տիրում էին նախաձեռնությանը, իսկ Չեխիայի ընտրանին էլ հիմնականում հակագրոհում էր: Պորտուգալիան շարունակ գրոհում էր, սակայն վերջին հարվածի հստակություն չկար:
Հանդիպման երկրորդ կեսի 62-րդ րոպեին Չեխիան, դիրքային գրոհից հետո` բացեց հանդիպման հաշիվը: Հեռահար դիպուկ հարվածով աչքի ընկավ Պրովոդը:
Պորտուգալիայի ընտրանին պատասխան գնդակը խփեց 9 րոպե անց: Ինքնագոլի հեղինակ դարձավ Հրանաչը: Պորտուգալիան կարողացավ հաղթանակ կորզել հանդիպման ավելացված րոպեին: Գոլն իր ակտիվում գրանցեց Կոնկաիկաուն:
Պորտուգալիա-Չեխիա` 2:1:
F խմբի երկրորդ տուրում Պորտուգալիան կխաղա Թուրքիայի, իսկ Չեխիան` Վրաստանի դեմ: Այդ խաղերը կկայանան հունիսի 22-ին:
Պորտուգալիայի ազգային թիմի ավագ Կրիշտիանու Ռոնալդուն լինելուով ընտրանու մեկնարկային կազմում` պատմական արդյունք գրանցեց: Հարձակվողը միակ ֆուտբոլիստն է, ով մասնակցել է Եվրոպայի 6 առաջնության:
