16.12.2025 | 16:05
Մայր Աթոռի արձագանքը՝ պատարագների ընթացքում կաթողիկոսի անունը զեղչելուն
Ռուս զինվորականներն իրենց հիմնական ջանքերը կենտրոնացնում են Պոկրովսկի ուղղությամբ. Սիրսկի
Քաղաքականություն
17.06.2024 | 21:20
Ուկրաինայի Զինված ուժերի գլխավոր հրամանատար Ալեքսանդր Սիրսկին հայտնել է, որ շուրջ մեկ շաբաթ է՝ գտնվում է Արևելյան ճակատում, և այս հատվածում ռուս զինվորականների գործողությունների բնույթն էապես չի փոխվել, գրում է BBC-ի ռուսական ծառայությունը։
Միևնույն ժամանակ, նա նշել է, որ Կուպյանսկի, Պոկրովսկի, Կուրախովսկի, Վրեմովսկի ուղղություններով ռուս զինվորականներն իրականացնում են «տարբեր ինտենսիվության ակտիվ հարձակողական գործողություններ՝ փորձելով ճեղքել ուկրաինական զորքերի պաշտպանությունը և գրավել տեղանքի կարևոր հատվածներ կամ բնակավայրեր, որոնք ազդում են մեր պաշտպանության կայունության վրա»։
Ուկրաինայի Զինված ուժերի գերագույն գլխավոր հրամանատարի խոսքով՝ ռուս զինվորականներն իրենց հիմնական ջանքերը կենտրոնացնում են Պոկրովսկի ուղղությամբ, որտեղ կենտրոնացած է իր հարվածային բրիգադների և գնդերի ճնշող մասը։
Սիրսկին դա կապում է այն փաստի հետ, որ արևմտյան գործընկերներից զգալի քանակությամբ զենք և զինտեխնիկա ստանալով, առաջին F-16-ների ժամանմամբ ուկրաինական հակաօդային պաշտպանությունը կամրապնդվի, և ժամանակը կխաղա Ուկրաինայի օգտին, իսկ Ռուսաստանի հաջողության շանսերը կնվազի։
