28.06.2024 | 23:31
Կիպրոսը Հայաստանի կարևորագույն գործընկերներից է ԵՄ-ում. դեսպան Մկրտչյանի հարցազրույցը՝ Financial Mirror-ին
33-ամյա կնոջը դանակահարել էր համաքաղաքացի 24-ամյա երիտասարդը․ ՆԳՆ
Հասարակություն
17.06.2024 | 13:48
Հունիսի 14-ին, ժամը 19.45-ին, ՆԳՆ ոստիկանության Սյունիքի մարզի օպերատիվ կառավարման կենտրոն «Գորիս» բժշկական կենտրոնից հաղորդում է ստացվել, որ շտապօգնության խումբը որովայնի և կրծքավանդակի կտրած-ծակած վերքերով բուժօգնության է տեղափոխվել 33-ամյա կնոջ, ով հայտնել է, որ վնասվածքների հետ կապված ոչինչ չի հիշում․ տեղեկացնում են ՆԳՆ ոստիկանությունից։
Ոստիկանության Գորիսի բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ պարզվել է, որ գորիսցի կինը իր տան խոհանոցում վիճաբանել է համաքաղաքացի 24-ամյա երիտասարդի հետ, որի ընթացքում էլ նա սուր կտրող-ծակող գործիքով հարվածներ է հասցրել՝ պատճառելով մարմնական վնասվածքներ:
Քրեական հետախույզների բացատրական աշխատանքի շնորհիվ հունիսի 16-ին երիտասարդը ներկայացել է Գորիսի բաժին և հայտնել, որ ինքն է խոհանոցային դանակով հարվածներ հասցրել 33-ամյա մտերմուհուն:
Երիտասարդը ներկայացվել է նախաքննական մարմին:
