08.09.2026 | 10:31
Պապոյանը Դուբայում քննարկել է հայկական կառուցապատման ոլորտը միջազգային հարթակներում ներկայացնելու հնարավորությունները
Քոչարյանը մաշեցնում է քոքը, որ 2026-ին «նոր Իվանիշվիլի» բերեն իշխանության․ կկանխենք ԵՄ-ին անդամակցելու հանրաքվեով․ Արամ Սարգսյան․ ՏԵՍԱՆՅՈՒԹ
Քաղաքականություն
13.06.2024 | 20:00
Հունիսի 12-ի երեկոյան Դեմիրճյան-Բաղրամյան խաչմերուկում ցուցարարների և ոստիկանության բախումները Հանրապետություն կուսակցության նախագահ Արամ Սարգսյանի գնահատմամբ՝ զանգվածային անկարգությունների բնույթ ունեն։ Նա կարիք է տեսնում, որ իրավապահները Բագրատ Գալստանյանից ցուցմունք վերցնեն՝ հաշվի առնելով այդ բախումներին նրա արած մի շարք հայտարարություններ, այդ թվում՝ մարտի դաշտում խրամատ փորելու, տղաների՝ ինչ-որ բանի պատրաստվելու վերաբերյալ։ Ըստ Սարգսյանի՝ հունիսի 12-ը ցույց է տվել, որ ընդդիմադիր շարժումը մարում է․
«Քոչարյանը մաշեցնում է քոքը, որ 2026-ին «նոր Իվանիշվիլի» բերեն իշխանություն։ Մենք որպես պետություն կկանխենք այդ սցենարը՝ ԵՄ-ին անդամակցելու հանրաքվե անցկացնելով։ Թող ժողովուրդը որոշի՝ ուզում է ԵՄ-ին անդամակցել, թե մնա ՌԴ-ի դաշտում։ ՌԴ-ն և Ադրբեջանը օգտագործում են Քոչարյանին և եկեղեցուն՝ ՀՀ-ում իրենց գրպանի իշխանությունը ունենալու նպատակով։ Նախկինները ՌԴ-ի գրպանում են, և այս բախումներով՝ Կրեմլին նվեր մատուցեցին ՌԴ-ի օրվա կապակցությամբ, որը մաքսիմալ կատաղած է»,- Factor TV-ի հետ զրույցում նշեց Արամ Սարգսյանը։
Հարցազրույցն ամբողջությամբ՝ տեսանյութում։
Ռոբերտ Անանյան
