25.11.2024 | 15:36
ՃՏՊ Աշտարակ-Ապարան ավտոճանապարհին. կան տուժածներ
Իրանում Հայաստանի դեսպանն այցելել է «IRNA» լրատվական գործակալություն
Քաղաքականություն
11.07.2017 | 13:42
ԻԻՀ-ում ՀՀ դեսպան Արտաշես Թումանյանը հուլիսի 10-ին այցելեց «IRNA» (Islamic Republic News Agency) լրատվական գործակալություն, որտեղ հանդիպում ունեցավ գործադիր տնօրեն Մոհամմադ Խոդադիի հետ:
Դեսպան Թումանյանը զրուցակցին տեղեկություններ ներկայացրեց Հայաստանի տնտեսական հնարավորությունների, գիտության, կրթության և մշակույթի ոլորտների մասին՝ ընդգծելով իրանական ԶԼՄ-ներում Հայաստանի, հայ-իրանական հարաբերությունների մասին համակողմանի, ճշմարտացի և օպերատիվ տեղեկատվության կարևորությունը:
Ինչպես տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից, Մոհամմադ Խոդադին հանգամանորեն ներկայացրեց 81-ամյա պատմություն ունեցող գործակալության գործունեությունը, որի ներկայացուցչական աշխարհագրությունը ձգվում է Նյու-Յորքից մինչև Տոկիո:
Հանդիպմանն անդրադարձ եղավ ԼՂ հիմնահարցի կապակցությամբ հավասարակշռված տեղեկատվության ապահովման անհրաժեշտությանը, խոսվեց հայկական սփյուռքի և այնտեղ գործունեություն ծավալած հայազգի լրագրողների հետ կապերի հաստատման հնարավորությունների վերաբերյալ:
Պայմանավորվածություն ձեռք բերվեց հայկական կողմի հետ իրականացնել քաղաքական, տնտեսական և այլ բնույթի տեղեկատվության փոխանակում՝ հայ-իրանական հարաբերությունների, տարածաշրջանային և միջազգային զարգացումների համատեքստում: Կարևորվեց լրատվական խմբերի փոխայցելությունների կազմակերպումը:
ՀՀ դեսպանը, որպես համագործակցության կարևոր քայլ, առաջարկեց Երևանում հիմնել «IRNA»-ի գրասենյակ, որի գաղափարը ողջունվեց Մոհամմադ Խոդադիի կողմից:
