20.04.2026 | 11:56
Երկու շաբաթվա ընթացքում 8 նոր ավտոբուսի գումար ենք հավաքագրել. Տիգրան Ավինյան․ ՏԵՍԱՆՅՈՒԹ
ԱԺ ընդդիմությունը «դանակով խփեց» Բագրատ Գալստանյանի մեջքին․ իշխանության գալու նպատակը ցույց տվեցին․Անի Սամսոնյան․ ՏԵՍԱՆՅՈՒԹ
Քաղաքականություն
10.06.2024 | 15:00
«Լուսավոր Հայաստան» կուսակցության անդամ Անի Սամսոնյանը կարծում է, որ մայիսի 9-ից սկսած՝ մեկ ամսվա ընթացքում Բագրատ Գալստանյանի շարժումը չկարողացավ համոզել հանրության լայն շերտերին, որ այն չի ուղղորդվում նախկինների կողմից, որ չի վնասում խաղաղությանը և պատերազմի պատճառ չի դառնա, որ ունի խելացի, հաշվարկված, ուժեղ և ընկալելի քաղաքական օրակարգ:
Factor TV-ի հետ զրույցում նա տեսակետ է հայտնում, որ «ինչ շարժում էլ հայտնվի փողոցում, նախկին իշխանությունները և ներկայիս խորհրդարանական ընդդիմությունը նետվելու են ասպարեզ իրենց ողջ ռեսուրսներով դա փչացնելու համար»:
«Հանրությունը դեռ չի տեսնում այն առաջնորդին, որը իշխանություն ունենալու պարագայում դա չի տա նախկիններին, կամ նախկինները այդ առաջնորդից իշխանությունը չեն խլելու»,- ասում է Սամսոնյանը:
«Լուսավոր Հայաստան» կուսակցության ներկայացուցչի կարծիքով խորհրդարանական ընդդիմությունը «դանակով խփել է Բագրատ Գալստանյանի մեջքին», քանի որ բացահայտել է իշխանության գալու իրենց նպատակը․
«Նախկինները ցույց տվեցին, որ իշխանության գալու նպատակ ունեն, իրականում նրանք խփեցին շարժման մեջքին, որ նախկինները կռիվ են տալիս իշխանության համար։ Ռոբերտ Քոչարյանը և Սերժ Սարգսյանը թող դուրս գան քաղաքականությունից, ինչի արդյունքում՝ Փաշինյանը կզրկվի նախկինների հրեշից, և որպես հետևանք՝ կզրկվի նաև իշխանությունից»։
Հարցազրույցն ամբողջությամբ՝ տեսանյութում։
Ռոբերտ Անանյան
