06.04.2026 | 13:15
Իրանը խոստանում է պատասխան հարվածներ հասցնել իր ենթակառուցվածքների վրա ցանկացած հարձակմանը
ԱԺ խորհուրդն այսօր կքննարկի կառավարության հրաժարականի օրակարգով արտահերթ նիստ հրավիրելու հարցը
Քաղաքականություն
10.06.2024 | 13:17
ԱԺ ընդդիմադիր խմբակցությունները միջնորդություն կներկայացնեն ԱԺ խորհուրդ՝ արտահերթ նիստ գումարելու պահանջով, այս մասին Factor.am-ին տեղեկացրեց «Հայաստան» խմբակցության ղեկավար Սեյրան Օհանյանը։ ԱԺ խորհրուրդը նիստ կգումարի այսօր ժամը 16։00-ին և կքննարկի կառավարության հրաժարականի օրակարգով արտահերթ նիստ հրավիրելու հարցը։
Նշենք, որ Երևանի Բաղրամյան պողոտան գիշերվանից շարունակում են փակ պահել «Տավուշը հանուն հայրենիքի» շարժման աջակիցները։ Հանրապետության հրապարակում տեղի ունեցած հանրահավաքից հետո շարժման մի խումբ անդամներ գիշերել են Բաղրամյան պողոտայում, որտեղ վրաններ են տեղադրվել։ Պողոտայից դեպի Դեմիրճյան փողոց տանող հատվածը ոստիկաններն են փակել։ Երթի մասնակիցների մի մասը մնացել է Բաղրամյան պողոտայում, մյուս մասն էլ Բագրատ արքեպիսկոպոս Գալստանյանի գլխավորությամբ շարժվել է դեպի Պռոշյան-Դեմիրճյան փողոց։ Այնուհետև Գալստանյանը հավաքվածներին կոչ է արել վերադառնալ Բաղրամյան պողոտա՝ միանալով այնտեղ մնացածաներին։
Նշենք, որ հունիսի 9-ին Հանրապետության հրապարակում տեղի ունեցած հանրահավաքի ժամանակ «Տավուշը հանուն հայրենիքի» շարժման առաջնորդը հայտարարեց, որ առաջիկա 96 ժամվա՝ 4 օրվա ընթացքում, առանց ընդմիջման բողոքի ակցիաներ պիտի իրականացնեն, մինչև հասնեն իրենց պահանջի իրականացմանը՝ վարչապետի և կառավարության հրաժարականին։
Ընդդիմադիրները պատրաստվում են ԱԺ խորհրդի նիստին զուգահեռ ակցիա իրականացնել խորհրդարանի շենքի մոտ։
