09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Թեհրանը դեմ է տարածաշրջանում սահմանների և ժողովրդագրության փոփոխությանը․ Իրանի ԱԳ նախարարի պաշտոնակատարը՝ «Զանգեզուրի միջանցքի» մասին
Քաղաքականություն
10.06.2024 | 11:57
Իրանի արտգործնախարարի պաշտոնակատար Ալի Բաղերի Քանին CNN Turk-ին տված հարցազրույցում ասել է, որ Թեհրանն աջակցում է Երևանի և Բաքվի միջև հարաբերությունների կարգավորմանը, սակայն դեմ է ցանկացած նախաձեռնության, որը կարող է փոխել սահմաններն ու ժողովրդագրությունը տարածաշրջանում։
«Իրանական կողմն աջակցում է բոլոր նախաձեռնություններին, որոնք կնպաստեն տարածաշրջանի զարգացմանը, մասնավորապես, հայ-ադրբեջանական հարաբերությունների կարգավորմանը, սակայն Թեհրանը դեմ է ցանկացած նախագծերի և նախաձեռնությունների, որոնք կփոխեն տարածաշրջանի ժողովրդագրությունը և սահմանները»,- ընդգծել է Քանին։
Այսպիսով, Իրանի արտգործնախարարության ժամանակավոր ղեկավարը հաստատել է, որ նախագահ Իբրահիմ Ռաիսիի մահից հետո, այսպես կոչված, «Զանգեզուրի միջանցքի» անթույլատրելիության հարցում Թեհրանի դիրքորոշման մեջ փոփոխություններ սպասել պետք չէ։
