17.02.2026 | 12:55
Ուկրաինան հայտնում է ՌԴ-ի կողմից զանգվածային հարձակման մասին. շուրջ 400 ԱԹՍ և հրթիռ է խոցվել
Զախարովան ԵՄ-ին մեղադրել է տարածաշրջանը հերթական աշխարհաքաղաքական մրցակցության արենայի վերածելու մեջ․ ՏԵՍԱՆՅՈՒԹ
Քաղաքականություն
07.06.2024 | 13:33
ՌԴ ԱԳՆ պաշտոնական ներկայացուցիչ Մարիա Զախարովան ճեպազրույցում պատասխանելով հարցին՝ արդյո՞ք ՌԴ-ն Ֆրանսիային ծանուցել է, որ Հայաստանում ԵՄ դիտորդներին կասկածում է լրտեսության մեջ, նշել է, թե չեն տեղեկացրել, քանի որ Մոսկվան բաց խոսել է Հայաստանում ԵՄ առաքելության նկատմամբ իր բացասական վերաբերմունքի մասին։
«Մենք բազմիցս ընդգծել ենք Հայաստանում ԵՄ այս կիսառազմական ներկայության առճակատող բնույթի մասին։ Ապացույցներ փնտրելու կարիք չկա, դրանք ակնհայտ են։ Առաքելության հակառուսական, հակաադրբեջանական և հակաիրանական նպատակներն ավելի ակնհայտ դարձան, երբ նրան սկսեցին միանալ ՆԱՏՕ-ի երկրները, որոնք ԵՄ անդամ չեն։ Բացի տարածաշրջանի ապակայունացումից և աշխարհաքաղաքական մրցակցության ևս մեկ ասպարեզի վերածելուց՝ նման նախաձեռնություններից ոչ մի լավ բան սպասել չի կարելի»,- ասել է ՌԴ ԱԳՆ ներկայացուցիչը։
Նա նաև նշել է, որ «տարածաշրջանում կայունության հնարավորություններ կային, սկսվել էր աշխատանք, որը տալիս էր իր արդյունքները, ինչը դժգոհություն է առաջացրել Արևմուտքում, որը տարածաշրջանը չի տեսնում որպես խաղաղ ու անվտանգ»։
Ըստ Զախարովայի՝ Հարավային Կովկասում բոլոր հարցերը պետք է և կարող են լուծվել տարածաշրջանային երկրների հավաքական ջանքերով՝ բացառապես իրենց շահերից ելնելով և առանց արտաքին միջամտության։
Մանրամասները՝ տեսանյութում։
