26.06.2026 | 14:46
Նիդերլանդների ԱԳՆ ներկայացուցչի հետ քննարկվել են հայկական արտադրանքի արտահանման հնարավորությունները դեպի ԵՄ
Վերին Լարսը բացվել է, հայկական բեռնատարներն անխոչընդոտ անցնում են․ դեսպանատան մաքսային կցորդ
06.06.2024 | 15:31
Ձնահոսքը մաքրվել է, և Վերին Լարս տանող ճանապարհը բաց է բոլոր տեսակի տրանսպորտային միջոցների համար, այս մասին Factor.am-ին տեղեկացրեց ՌԴ-ում ՀՀ դեսպանատան մաքսային կցորդ Վահան Հակոբյանը:
Առավոտյան վրացական կողմը ձնահոսքի մասին էր հաղորդում, ժամեր անց էլ փոխանցեցին, որ Վերին Լարս տանող ճանապարհը փակվել է Դևդորակի գետի ջրի մակարդակի բարձրացման հետևանքով տարհանվել են «Դարյալ» առևտրաարդյունաբերական պալատի աշխատակիցները։
ՌԴ-ում ՀՀ դեսպանատան մաքսային կցորդը, սակայն, վստահեցրեց, որ գետի ջրի մակարդակի բարձրացումը ճանապարհն անանցանելի չի դարձնում և չի խոչընդոտում հայկական բեռնատարների մուտքը Լարս։
Ավելի վաղ ՌԴ-ում ՀՀ դեսպանատան մաքսային կցորդ Վահան Հակոբյանը Factor.am-ին ասել էր, որ Խաչի լեռնանցքի հատվածում ձնահոսքի պատճառով բոլոր տեսակի տրանսպորտային միջոցների համար դեպի Վերին Լարս տանող ճանապարհը երկու ուղղություններով փակվել էր, իսկ Հայաստանի տարածքից դեպի Վերին Լարս գնացող շուրջ 300 բեռնատար մնացել էր ճանապարհին։
Մանյա Պողոսյան
