08.10.2026 | 10:22
Երևան–Սևան ճանապարհին միկրոավտոբուս է կողաշրջվել․ 8 տուժած կա
Թուրքիան ցանկանում է ԲՐԻԿՍ-ի անդամ դառնալ
Քաղաքականություն
04.06.2024 | 15:39
ԲՐԻԿՍ-ը կարող է Թուրքիային առաջարկել «լավ այլընտրանք» Եվրամիությանը՝ նրա տնտեսական հեռանկարները խթանելու համար։ Այս մասին հայտարարել է Թուրքիայի ԱԳ նախարար Հաքան Ֆիդանը, գրում է South China Morning Post-ը։
Չինաստան կատարած եռօրյա այցի սկզբում Ֆիդանն ասել է, որ մինչ Թուրքիան գտնվում է Բրյուսելի հետ մաքսային միության մեջ, նաև համագործակցության նոր հնարավորություններ է ուսումնասիրում տարբեր հարթակներում մի քանի գործընկերների հետ, ինչպիսին է ԲՐԻԿՍ-ը։
«Իհարկե, մենք կցանկանայինք դառնալ ԲՐԻԿՍ-ի անդամ: Տեսնենք, թե ինչպես դա կընթանա այս տարի»,- ասել է Ֆիդանը Չինաստանի և գլոբալիզացիայի կենտրոնում (CCG) անցկացված միջոցառման ժամանակ:
Այցի ընթացքում այսօր Ֆիդանը հանդիպել է Չինաստանի իր գործընկեր Վան Յիի և երկրի փոխնախագահ Հան Ժենգի հետ։
Սպասվում է նաև, որ Ֆիդանը կայցելի Սինցզյան-Ույղուր ինքնավար շրջանի Ուրումչի և Քաշգար քաղաքներ։
Նշենք, որ ԲՐԻԿՍ-ը հինգ երկրների խումբ է, որի անդամ են Բրազիլիան, Ռուսաստանը, Հնդկաստանը, Չինաստանը և Հարավաֆրիկյան Հանրապետությունը։
