07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Իրանը ԵՏՄ-ում դիտորդի կարգավիճակ ստանալու հայտ է ներկայացրել
Քաղաքականություն
04.06.2024 | 13:51
Իրանը ԵՏՄ-ում դիտորդի կարգավիճակ ստանալու հարցում է ներկայացրել։ Այս մասին ինսկում ընթացող Եվրասիական միջկառավարական խորհրդի նիստի արդյունքներով հայտարարել է Եվրասիական տնտեսական հանձնաժողովի կոլեգիայի նախագահ Բակիտժան Սագինտաևը, գրում է ԲԵԼՏԱ-ն։
«Կցանկանայի տեղեկացնել մեր առևտրային գործընկեր Իրանի շահագրգռվածության մասին՝ դիտորդ պետության կարգավիճակ ստանալու վերաբերյալ։ Համապատասխան հարցումը հանձնաժողովը ստացել է մայիսի 27-ին։ Մենք ժամանակին կկազմակերպենք բոլոր անհրաժեշտ աշխատանքները»,- ասել է Սագինտաևը։
ՌԴ փոխվարչապետ Ալեքսեյ Օվերչուկն էլ լրատվամիջոցներին ասել է, որ Իրանին դիտորդի կարգավիճակ տալու մասին որոշումը կարող է ընդունվել դեկտեմբերի վերջին։
«Կան որոշակի ընթացակարգեր։ Եթե դրանք կատարվեն, ապա, սկզբունքորեն, ԵՏՄ-ում Իրանին դիտորդի կարգավիճակ տալու որոշումը կարող է կայացվել մոտավորապես այս տարվա դեկտեմբերի վերջին»,- նշել է Օվերչուկը։
