01.11.2024 | 18:26
Թուրքիան ՌԴ-ից ներկրվող բնական գազի համար հատուկ գին է ցանկանում ստանալ
Ջո Բայդենը՝ ՀՀ-ի և Ադրբեջանի միջև երկարաժամկետ խաղաղության համաձայնագրի և բազմամյա հակամարտությանը վերջ դնելու մասին
Քաղաքականություն
04.06.2024 | 12:17
Հայաստանի և Ադրբեջանի միջև խաղաղության համաձայնագիրը կվերափոխի Հարավային Կովկասը։ Այս մասին ասվում է ԱՄՆ նախագահ Ջո Բայդենի ուղերձում՝ ուղղված Բաքվի էներգետիկ շաբաթվա մասնակիցներին, որն ընթերցել է ԱՄՆ Պետքարտուղարության էներգետիկ ռեսուրսների բյուրոյի բազմակողմ էներգետիկ դիվանագիտության հարցերով ավագ խորհրդական Հարրի Քեմիանը, գրում են ադրբեջանական լրատվամիջոցները։
Բայդենի ուղերձում նշվում է, որ տարածաշրջանային կայունությունն ու փոխկապակցվածությունը Միացյալ Նահանգների համար առաջնահերթություններ են։
«Երկարաժամկետ խաղաղության համաձայնագիրը վերջ կտա բազմամյա հակամարտությանը, կվերափոխի Հարավային Կովկասը և արմատապես կփոխի տարածաշրջանում Ադրբեջանի դերը։ ԱՄՆ-ը պատրաստ է աջակցել այս ձգտմանը։ Մենք պարտավոր ենք ապագա սերունդների համար ապահովել, որ խաղաղությունն ու բարգավաճումը մնան մեզ առաջնորդող սկզբունքները»,- նշվում է ԱՄՆ նախագահի ուղերձում։
