13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Անընդունելի՛ է ռազմատենչ խոսքը Սփյուռքից․ պատերազմի հետևանքը ՀՀ քաղաքացին է կրելու, չպիտի թելադրենք․ Համբիկ Սարաֆյան․ ՏԵՍԱՆՅՈՒԹ
Քաղաքականություն
03.06.2024 | 20:45
Այսօր Սոցիալ-դեմոկրատ հնչակյան կուսակցության Կենտրոնական վարչության ատենապետ Համբիկ Սարաֆյանը հանդիպել է վարչապետ Նիկոլ Փաշինյանին: Վարչապետը բարձր է գնահատել ՀՀ կառավարության և ՍԴՀԿ-ի միջև ձևավորված երկխոսությունը: Սարաֆյանը նշել է, որ ՍԴՀԿ-ն կիսում է ՀՀ կառավարության խաղաղության օրակարգը, մարտահրավերները հաղթահարելուն միտված քայլերը, ինչպես նաև՝ վարվող արտաքին քաղաքականությունը:
Սոցիալ-դեմոկրատ հնչակյան կուսակցության Կենտրոնական վարչության ատենապետ Համբիկ Սարաֆյանը Factor TV-ի հետ զրույցում ասաց, որ երբ խոսում են Փաշինյանի կառավարությանն աջակցելու մասին, խոսքը վերաբերում է Արևմուտքի հետ հարաբերությունների խորացմանը, ինչպես նաև՝ Ադրբեջանի և Թուրքիայի հետ կարգավորման պրոցեսին․ «Թուրքիայի և Ադրբեջանի հետ հավերժ թշնամական միջավայրում Հայաստանը չի կարող հեռանկար ունենալ, ես կարծում եմ, որ Կովկասի վագրի թռիչքը հեքիաթ է։ Պետք է գնալ կարգավորումների»։
Հայաստանում ընդդիմադիր հավաքների բռնկմանը զուգահեռ տեսանք, որ սփյուռքի հոգևոր և աշխարհիկ կառույցներ՝ բողոքի ակցիաներ արեցին աջակցելով Երևանում հակաիշխանական ակցիաներին։ Արդյո՞ք ամբողջ սփյուռքը կամ գերակշիռ մասը աջակցում է հակաիշխանական այս ակցիաներին։ Սարաֆյանը նշեց, որ միանշանակ չէ Սփյուռքի աջակցությունը ՀՀ ընդդիմությանը՝ կան տարբեր տրամադրություններ։ Նա անընդունելի է համարում ռազմատենչ հռետորաբանությունը և թելադրանքի փորձը Սփյուռքից ուղղված ՀՀ իշխանությանը՝ Ադրբեջանի և Թուրքիայի հետ հարաբերություններ կառուցելիս․
«Սփյուռքն իրավունք չունի՛ ՀՀ իշխանությանը թելադրել, թե Թուրքիայի և Ադրբեջանի հետ ինչ քաղաքականություն վարի, քանի որ հետևանքը ՀՀ քաղաքացին է կրելու։ Անընդունելի՛ է ռազմատենչ խոսքը Սփյուռքից։ Այսօր փողոցում կատարվողը իշխանափոխության փորձ է, և վտանգավո՛ր է, որ եկեղեցին ներքաշվել է ներքաղաքական պայքարի մեջ։ Պարտությունն իր գինն ունի, որը վճարում ենք, և հիմա պիտի քիչ ցավոտ լուծմանը գնանք՝ վատ տարբերակներ ունենալով։ Վատ է, որ չենք ընդունում մեր պարտությունը, դասեր չենք քաղում»։
Հարցազրույցն ամբողջությամբ՝ տեսանյութում։
Ռոբերտ Անանյան
