13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Կարգերի փոփոխություններ և դրույքաչափերի իջեցում ենք կատարելու․ Արայիկ Հարությունյան
Հասարակություն
29.08.2018 | 13:55
Կրթության նախարար Արայիկ Հարությունյանը կիսում է ուսուցիչների մտահոգությունը, որ դրույքաչափերը շատ ծանրաբեռնված են, որի արդյունքում ուսուցիչները ստիպված են լինում նույն աշխատանքը մի քանի անգամ կատարել։
Այս մասին այսօր Երևանի հանրակրթական դպրոցների տնօրենների հետ խորհրդակցության ժամանակ ասաց նախարարը՝ պատասխանելով դպրոցներից մեկի տնօրենի հարցին՝ երբ կիջեցվեն դրույքաչափերը։
«Այս հարցն իրոք քննարկվում է, ուսուցիչների ծանրաբեռվածությունը պայմանավորված է լրացուցիչ թղթաբանություններով։ Մենք կարգերի փոփոխություններ ենք անելու որպեսզի ուսուցիչները նույն աշխատանքը մի քանի տեղ չանեն։ Նույն մատյաներն էլեկտրոնային դարձնելու ուղղությամբ ենք աշխատում, իսկ քանի դեռ այդ կարգերը չեն փոխվել, խնդրում եմ այդ փաստական տվյալները պարտաճանաչ կերպով լրացնել, քանի որ դրանք մեզ համար կենսական նշանակություն ունեն»,-ասաց նախարարը՝ վստահեցնելով, որ առաջիկայում ուսուցիչները իրենց աշխատանքը կկարտարեն, ոչ թե և՛ մատյանում, և՛ Dasaran․am-ում, և այլ ընդամենը մեկ տեղ։
Նախարար Հարությունյանը խոսեց նաև օտարալեզու դպրոցների տված կրթության որակի մասին, քանի որ լեզունների իմացությունը անհրաժեշտ է լավ հիմքի վրա դնել դպրոցից և առանց կրկնուսույցների։
«Ինձ համար շատ հստակ է, որ օտարալեզու դպրոցների բացումը օտար լեզուների իմացության հարցը ողջ հանրապետությունում չի կարող լուծել, այս հարցը պետք է լուծել վերապատրաստումների միջոցով։ Նախարարությունը համագործակցության հուշագրեր է ստորագրել և ակտիվ աշխատում է, որպեսզի վերապատրաստվող ուսուցիչների թիվն ավելանա»,-ասաց նախարարը։
